THUTO 44
A Mizano Yose i no Shathisa Ndzimu?
Jehova u no shaka kuti ti shathile buchilo ne ku be ne mizano mu zwingwe zwibaka. Ngono a mizano yose ne dziholideyi, i no nshathisa? Ti nga lakidza chini kuti to da Jehova mu khani iyeyi?
1. Ini mizano minjinji i si nga shathise Jehova?
Ku nga ku chenamisa ha u hwa kuti mizano minjinji ha i to yendidzana ne chi no diyiwa ne Hwalo kene kuti ya ka tangisa mu buheitani. Mizano ya ka jalo i no yendidzana ne budumili gwe manyepkhwa. Kakale i ngana i ka be i amana ne ku dumila mu badzimu kene mu nkumbulo we kuti meya ye nthu ha i to fa. Ingwe mizano ya ka nginilila kwazo mu mishingo ye masalamusi kene ku dumila mu ku be ne laki. (Izaya 65:11) Jehova u no kumbuludza ba no nnamata eti: “Bhudani mubali . . . musibhate tjimwe tjakatemapala.”—2 Bakorinta 6:17. a
2. Jehova u no zwiwa chini ne mizano i no kudza bathu ku sa ka fanila?
Jehova u no ti kumbuludza kuti ti si tongo zwiwana ta “galabgwe bathu.” (Bala Jeremiya 17:5.) Dzingwe dziholideyi dzo kudza babusi kene masole. Dzingwe dzadzo ndi dze ku zwibusa kwe shango kene matshwayo e ichaba. (1 Johani 5:21) Kakale bangwe ba no tolela pezhugwi dziphathi dze dzipolotiki kene makubungano mangwe e bathu. Jehova u no zwiwa chini ha ti kudza ku sa ka fanila nthu kene gubungano, kwazo kwazo ba ka yesa mbeli mikumbulo i si nga yendidzane ne ku da kukwe?
3. I mazwibato api a nga thama kuti mizano i si amuchilike?
Baibili ha i to dumilana ne “kulaladza ne mizano ye zwing’o zwinolaladzisa.” (1 Pita 4:3) Mu mingwe mizano bathu ba no zwibata ne zila i si nga laulike ne ku thama mazwibato a si mabuyanana. Kuti ti dwilile tili bakhwinya ba Jehova, hatizo fanila ku thama mazwibato iyawa a si mabuyanana.
ZWIDIYE KWA KA NGINILILA
Bona se kwa u nga shathisa Jehova ne ku shalula zwibuyanana ha ku zha mu dziholideyi ne mizano.
4. Lamba mizano i si nga kudze Jehova
Bala Baefeso 5:10, mu be mu lebesana ne kwe buzo dzi no tobela:
-
Ini cha ta ka fanila hwisisa ha ku zha mu ku nginilila mizano ye dziholideyi?
-
I dziholideyi dzipi dzi no zibgwa kwazo kwa u no gala?
-
A u no kumbula kuti dziholideyi idzedzo dzo shathisa Jehova?
Ha ti lakidzila, a wa ka tongo zwibuzwa kuti Ndzimu u no zwiwa chini ne kwe mizano ye zhuba le mazwago? Akuna pa Baibili i no leba ne kwe wa ka be e namata Jehova, wa ka tongo nginilila mu nzano we zhuba le mazwago, ngono ya ka leba ne kwe mizano mibili ye zhuba le mazwago ya ka thamiwa ne bathu ba si nga nshingile. Bala Genesisi 40:20-22 ne Matewu 14:6-10. Mu be mu lebesana ne kwe buzo dzi no tobela:
-
Mizano iyeyi mibili ye zhuba le ku zwagwa i no fanana chini?
-
Ku yenda ne Baibili, no kumbula kuti Jehova u no zwiwa chini ne kwe mizano ye zhuba le mazwago?
U nga zwibuzwa kuti: ‘A Jehova u no amika ne kwe kuti ndo nginilila mu mazhuba e ku zwagwa kene ingwe mizano i si nga yendidzane ne Hwalo?’ Bala Ekezodo 32:1-8. Ku dwa ipapo, zana VIDIYO mu be mu lebesana ne kwe buzo dzi no tobela.
-
Ini ta ka fanila ku hwisisa dumbu chi no amuchigwa na Jehova?
-
Ti nga thama ti jalo chini?
Se kwa u nga ziba kuti nzano ha u to shathisa Ndzimu
-
A nzano u no yendidzana ne chi si nga diyiwe ne Baibili? Ku ziba, shakisisa kuti wa ka tangisa ngayi.
-
A nzano u no kudza bathu, makubungano, kene matshwayo e zwichaba ne zila i sa ka fanila? To kudza Jehova ku pinda chingwe ne chingwe kakale ndiye wa ti no themba kuti u nowo pedzisa mathatha a mu shango.
-
A chi no thamiwa mu nzano iwoyo cho thulana ne milayo ye Baibili? Ta ka fanila ku dwilila ti na mazwibato mabuyanana.
5. Batsha bangwe ku teta cha u no dumila
Ku nga sima ku mililana ne ku tshambilidzigwa ku nginilila mu mizano i si nga shathise Jehova. Ne buchenjedu, chenesa cha wa shalula wa ka biga moyo. Ku bona chilakidzilo che kuti u nga thama ichecho chini, zana VIDIYO.
Bala Matewu 7:12, mu be mu lebesana ne kwe buzo dzi no tobela:
-
Ku dwa mu ndimana iyeyi, a wa ka fanila ku budza be nsha uwo ba si nga dumile kuti habazo fanila ku nginilila mu holideyi ingwe?
-
Nenguba u si nga nginilile mu dziholideyi dzingwe ne be nsha uwo, u nga thamani kuti ba thembe dumbu kuti u no ba da kakale u no ba amuchila?
6. Jehova u no shaka kuti ti shathe
Jehova u no shaka kuti ti shathile ku be ne be misha kene bakhwinya bedu. Bala Nreri 8:15, mu be mu lebesana ne kwe buzo i no tobela:
-
Ndimana iyeyi i no lakidza chini kuti Jehova u no shaka kuti ti shathe?
Jehova u no shaka kuti bathu babe ba kholise ne ku shatha ha bali bose. Zana VIDIYO ku bona kuti ichecho cha ka boneka chini zwibuyanana ku mishangano yedu ye zwichaba.
Bala Bagalatiya 6:10, mu be mu lebesana ne kwe buzo dzi no tobela:
-
Kuti ti thamile bangwe “bubuya” a ta ka fanila ku nginilila mu dziholideyi dzingwe dza ka jwaeleka?
-
I ku pa kupi ku nga ku shathisa—ku zwiwa wa ka fanila ku pa ne kuti i holideyi kene ku pa ku dwa mu moyo?
-
Mu zwibaka zwingwe bunji gwe Bafakazi ba no baakanyila bana babo zwipo zwi no shathisa, ne ba sa ka lingilila. Ha u na bana, i zwithu zwipi zwi no shathisa zwa u nga ba thamila izo?
BATHU BANGWE BA KATI: “Kuti holideyi ya ka tangisa ngayi, ha te ili khani. Chikulu wu be ne nako i no shathisa ne bakhwinya ne be nsha.”
-
Iwe u nga tini?
CHA WA ZWIDIYA
Jehova u no shaka kuti ti shathile ku be ne be misha ne bakhwinya bedu. Kakale u no shaka kuti ti lambe ku nginilila mu mizano i si nga nshathise.
U Nga Tini?
-
I buzo dzipi dza ti nga buzwa ku bona kuti a nzano u no shathisa Jehova kene chini?
-
Ti nga batsha chini be nsha ne bakhwinya bedu ku hwisisa cha ta ka shalula ha ku zha mu dziholideyi?
-
U no ziba chini kuti Jehova u no shaka kuti ti shathe ne ku zipigwa ne buchilo?
SHAKISISA
Bona kuti Bakirisiti ha ba to nginilila mu dziholideyi dzipi.
“Ini Bafakazi ba Jehova ba si Nga Nginilile mu Dzingwe Dziholideyi?” (Web article)
Bona mabaka ali 4 a no thama kuti ti dume kuti ku nginilila mu nzano we zhuba le mazwago, ha ku to shathisa Ndzimu.
“Ini Bafakazi ba Jehova ba si Nga Nginilile mu Mazhuba e Mazwago?” (Web article)
Bona se kwa nchechana nngwe a ka mililana ne buchenjedu ku sekiwa ne bangwe ku ikwele, ha ku zha mu na cha a no dumila ne kwe Khirisimusi.
Dzimiliyoni dze Bakirisiti dza ka shalula ku sa nginilila mu nzano we Khirisimusi. Ba no zwiwa chini ne kwe cha ba shalula?
“Ba ka Bona Chingwe Chi Butuka” (Thungamakole, December 1, 2012)
a Bona Zibiso ya ka Paphidzika 5 ku bona kuti u nga thamani ha ku zha mu khani dze dziholideyi.
Kakale u Nga Shathila ku Bona
BUZO DZI NO BUZWIWA KANJINJI
Course ye ku Zwidiya Baibili i no Piwa ne Bafakazi ba Jehova Ndi Ipi?
U shingisa ndongoloso ye mahala ye ku zwidiya i no piwa ne Bafakazi ba Jehova, u nga shingisa Baibili ingwe ne ingwe. Sungunuka ku laletsa be nsha uwo kene bakhwinya babo.
