ZWE BATHU BA CHECHANA
10: Ku Thembeka
CHA KU NO DWA
Bathu ba no thembeka ba no thembiwa ne bazwadzi, bakhwinya, ne bahiri babo. Ba no hwa milayo, be thama cha ba thembesa, ne ku gala be leba malebeswa.
INI KU FANILA
Mu zwibaka zose, ku sungunugwa kwa u nga be nako ko yendidzana ne zila ya wa ka thembeka nayo mu ku yenda kwe chibaka.
“Zila i no dzi pinda dzose ye kuti u thembiwe ne bazwadzi wu lakidza kuti wa chi kula ne ku gadzikana, ha u nabo kene pa ba sipo.”—Sarahi.
NLAYONTEWO WE BAIBILI: “Mu zwishakisise ku bona kene ma ka bhatilila.”—2 Bakorinta 13:5.
CHA U NGA THAMA
Nenguba u shaka ku thembiwa kwa ka paphidzika kene ku thembiwa se kwa wa ka tongo be u thembeka, thambo dzi no tobela dzi nga batsha.
Leba malebeswa. Ha kuna chi nga thama kuti bathu ba pelegwe ne thembo mu kuli se ku leba manyekhwa. Malebeswa wose, ha u dusa chi pa moyo u leba malebeswa—kwazokwazo ne kwe dziphoso dzidzo—u nga thembiwa ne bangwe.
“Ku lelu ku leba malebeswa ha zwithu zwi yenda zwibuyanana. Ngono ha u leba malebeswa mu zwithu zwi nga thama kuti u si lingwe zwibuyanana i zila i no thama kuti u thembeke.”—Caiman.
NLAYONTEWO WE BAIBILI: “To yemula shinga ndulamo mu tjimwe ne tjimwe.”—Bahebera 13:18.
Ku thembeka. Mu survey ingwe ya ka thamiwa ku U.S., 78 percent ye human-resource professionals ya ka lakidza kuti ku thembeka ya ka be “chingwe che zwithu zwitatu zwikulu zwino sheteka ku ngina mu mamo a ka tini mu nshingo.” Ku zwidiya ku thembeka ngwenu ko wo be ne mbayilo mu kuli ha wa chi be nthu wola.
“Bazwadzi bangu ba no khona bona ha nda ka gadzikana ndi shinga mishingo yangu ba singa ndi sunde.Ha ndi dwilila ndi thama ndi jalo, ba no dwilila be ndi themba ku pindisa.”—Sarah.
NLAYONTEWO WE BAIBILI: “Ngobe ndo galabgwe ku hwa kuko, . . . ndi ziba kuti u nowo shinga ne ku no pinda tja ndi no kumbila.”—Filimoni 21.
Be moyonlefu. Ku sa fanana ne ku kula kwe mbili, ku no bongwa ne bathu bose, ko sheteka chibaka kuti bathu ba yele njele ku kula kwe mazwiwo ne nkumbulo.
“Ha ku to sheteka chithu chi ngompela koga kuti u thembiwe ne bazwadzi ne bathu bangwe. Ngono u nga shingila mu kuli wa ka biga moyo ha u dwilila wa ka gadzikana mu ku yenda kwe chibaka.”—Brandon.
NLAYONTEWO WE BAIBILI: “Ibeni ne . . . moyonlefu.”—Bakolosa 3:12.
