Mu chibaka chingwe, Ndzimu wa ka dumilila nlume ku lobola nkadzi u no pinda u ngompela. (Genesisi 4:19; 16:1-4; 29:18-29) Ngono Ndzimu ha te iye wa ka simolola ku lobogwa kwe bakadzi banjinji. Wa ka pa Adamu nkadzi u ngompela koga.

 Ndzimu wa ka laula Jesu kuti a tangise kakale ndaulo iye ye ku lobola nkadzi u ngompela. (Johani 8:28) Ha e buzwiwa ne kwe ndobolo, Jesu wakati: “Iye wakababumba mu kutangisa wakabayita we tjilume ne we tjikadzi, kadwilila kati, ‘Ndizo ngekwa ikoko nlume unowosiya tate babe na mmeyabe kabhatana ne nkadzi uwe, ngono bubili gowobe mbili nng’ompela.’”—Matewu 19:4, 5.

 Shule nngwe we badiyiwana ba Jesu wa ka dothedzegwa ne Ndzimu ku kwala eti: “Nlume mmwe ne mmwe ngaabe ne nkadzi uwe ne nkadzi mmwe ne mmwe abe ne nlume uwe.” (1 Bakorinta 7:2) Kakale Baibili i no leba iti, nlume nngwe ne nngwe wa ka lobola mu gubungano le Bukirisiti u no piwa gobe la ka shalulika, wa ka fanila “kube nlume we nkadzi nng’ompela.”—1 Timoti 3:2, 12.