Si bo é un jóven ki é publikador ô un studanti di Bíblia, bu sta pensa na batiza? Pamodi ki é bon bu ten kel méta li? Da bu vida pa Jeová i batiza é komésu di un amizadi spesial ku Jeová. (Sal 91:1) Faze kel-li tanbê pode djuda-u ten salvason. (1Pe 3:21) Kuzê ki bu meste faze pa txiga na kel méta li?

Prova bu kabésa ma dja bu atxa verdadi. Óras ki bu ten dúvida, faze piskiza pa bu tenta ntende kel asuntu. (Ro 12:2) Pensa na ki mudansas bu meste faze i óras ki bu ta faze kes mudansa, ten sertéza ma bu sta faze-s pamodi bu krê agrada Jeová. (Pr 27:11; Ef 4:23, 24) Sénpri pidi ajuda di Jeová na orason. Lenbra ma Jeová sénpri ta da-u forsa i ajuda ki bu meste através di spritu santu. (1Pe 5:10, 11) Tudu sforsu ki bu faze ta bale péna pamodi sirbi Jeová é midjór manera di vive! — Sal 16:11.

ODJA VÍDIU KAMINHU PA BATISMU. DIPÔS RESPONDE KES PERGUNTA LI:

• Ki difikuldadis alguns irmon vense pa es pode batiza?

• Modi ki bu pode dizenvolve kel fé ki bu meste pa da bu vida pa Jeová?

• Kuzê ki poi alguns irmon ta faze kel ki es mesteba pa es pode kualifikaba pa batiza?

• Modi ki Jeová ta abênsua kes ki skodje sirbi-l?

• Modi ki un algen ta da se vida pa Jeová i kuzê ki siginifika batiza?