Pamodi ki nu gosta txeu di nos kongrésu? Sima kes fésta ki israelitas ta fazeba, nos kongrésu oji ta da-nu oportunidadi di adora Jeová djuntu ku senténas ô ti milharis di nos irmons. Nu gosta txeu di tudu kes kumida spritual ki nu ta resebe na nos kongrésu. Tanbê, nu gosta txeu di sta ku nos amigus i nos família na kes momentu la. Pa nu mostra ma nu ta da valor pa es prezenti li di Jeová, nu ta sforsa pa sisti tudu kes três dia di kongrésu.

Óras ki nu ten oportunidadi pa sta djuntu ku nos irmons, nu ka debe pensa sô na nos kabésa, má tanbê na maneras ki nu pode mostra amor pa otus algen. (Gál 6:10; He 10:24, 25) Óras ki nu ta dexa lugar livri pa nos irmons pasa ô óras ki nu ta guarda sô kes lugar ki nu meste, nu ta mostra ma nu ta poi interesi di otus frenti di kes di nos. (Fil 2:3, 4) Na kongrésu nu ten oportunidadis pa faze novus amigu. Antis i dipôs di prugrama ô na intervalu nu pode sforsa pa pâpia ku kes algen ki inda nu ka konxe. (2Co 6:13) Nu pode faze amizadis ki ta dura pa tudu ténpu. Tanbê, óras ki otus algen ki ka ta sirbi Jeová odja kel amor di verdadi ki ta izisti entri nos, es pode xinti gana di prende más sobri Jeová. — Jo 13:35.

ODJA VÍDIU KONGRÉSUS INTERNASIONAL ‘AMOR NUNKA KA TA KABA’!. DIPÔS FAZE KES PERGUNTA LI:

• Modi ki irmons mostra amor pa kes irmon di otus país ki sisti kongrésus internasional di 2019?

• Pamodi ki amor i union ki ta izisti entri povu di Jeová ta dexa-nu dimiradu?

• Kuzê ki alguns ménbru di Grupu enkaregadu di óbra fla sobri amor ki ta izisti entri Tistimunhas di Jeová?

• Modi ki amor uni nos irmons na Alimanha i na Koreia di Sul?

• Kuzê ki nu debe sta disididu na faze?