Pamodi ki é inportanti pâpia di bus sentimentu ku bu pai i ku bu mai? (Pr 23:26) Pamodi Jeová da bu pai ku bu mai responsabilidadi di kuida di bo i di orienta-u. (Sal 127:3, 4) Má, ta ser difísil pa es djuda-u si bu ka konta-s bus prubléma i kuzê ki bu sta xinti. Talvês bu pai ku bu mai dja pasa pa kes mésmu prubléma i bu pode prende txeu ku ses spiriénsa. Má, é mariadu guarda alguns sentimentu sô pa bo? Nau, má toma kuidadu pa bu ka sukundi nada ki bu pai ku bu mai ten direitu di sabe. — Pr 3:32.

Modi ki bu pode pâpia ku bu pai i ku bu mai? Skodje un óra ki pode ser bon pa nhos tudu. Si pa bo é difísil pâpia ku es kara-kara, bu pode skrebe-s un karta ta fla-s kuzê ki bu sta xinti. I si es krê pâpia ku bo sobri un asuntu ki ta dexa-u sen jetu? Lenbra ma bu pai ku bu mai é bus amigu i es krê kel ki é midjór pa bo. Si bu sforsa pa abri bu korason pa bu pai ku bu mai, kel-li ta ser bon pa bo gósi i pa réstu di bu vida! — Pr 4:10-12.

ODJA VÍDIU VIDA DI UN JÓVEN — MODI KI N DEBE PÂPIA KU NHA PAI I KU NHA MAI?. DIPÔS RESPONDE KES PERGUNTA LI:

• Ki mudansas Ester ku Partik da konta ma es meste fazeba?

• Kuzê ki bu pode prende ku izénplu di Jizus?

• Modi ki bu pai ku bu mai dja mostra ma es ta nporta ku bo?

• Ki testus di Bíblia pode djuda-u pâpia ku bu pai i ku bu mai?