TIZORUS DI PALAVRA DI DEUS | ÊXODO 33-34
Kes kualidadi bunitu di Jeová
Muizés ta daba valor pa kes kualidadi di Jeová i kel-li djuda-l trata israelitas ku paxénxa. Di mésmu manera, óras ki nu ntende dretu kes kualidadi di Jeová nu ta konsigi trata nos irmons ku konpaxon.
-
‘Mizerikórdia i konpaxon’: Jeová ta kuida di se sérvus ku tudu amor i atenson, sima un pai ta kuida di se fidjus.
-
‘Paxénxa’: Jeová ten paxénxa ku se sérvus. El ta ntende ma anos é inperfetu i el ta da-nu ténpu pa nu faze mudansas.
-
‘Xeiu di amor lial i di verdadi’: Amor lial ki Jeová ten pa se sérvus ta pô-l más unidu ku es, i kel union li ta dura pa tudu ténpu.
PERGUNTA BU KABÉSA, ‘Modi ki N pode imita mizerikórdia i konpaxon di Jeová?’
