Bu gosta di kes vídiu ku kes pergunta pa sabe opinion di studantis ki sta na livru Vive filís pa tudu ténpu!? Kuzê ki bu ta atxa di kes párti “Alguns algen ta fla”, “Sprimenta faze kel-li” i “Djobe más”? Ki otus párti di livru pode djuda-u óras ki bu ta faze studu di Bíblia? — Mt 28:19, 20.

Vídius, artigus i gravasons: Si bu krê uza livru na papel pa bu faze un studu di Bíblia, modi ki bu pode atxa vídius, artigus i gravasons na un lugar sô? Na formatu dijital skodje un di kes kuatu párti di livru. Na fin di lista di téma di kes lison, bu pode skodje vídius, artigus i gravasons di kel párti ki bu meste. (Odja imaji 1.)

Konfigurason “Edição Impressa” (formatu di livru na papel): Si bu sta ta uza un aparelhu iletróniku pa bu studa ku algen, talvês bu pode uza kel konfigurason “Edição Impressa” pa djuda-u duránti studu. Na lison ki nhos sta ta studa, bai na bara di feraméntas ki ta fika na párti di riba di kel lison, klika na kes três pontu i dipôs skodje “Edição Impressa”. Kel-li pode djuda-u odja modi ki kel lison ta parse na livru na papel. Kel formatu di livru na papel, ta djuda-u odja klaru kuzê ki kel asuntu ki nhos sta ta studa ten aver ku téma di kel lison. Pa bu volta otu bês pa formatu dijital, klika na kes três pontu i dipôs skodje “Edição Digital”.

“N sta priparadu?”: Kes kuadru ki sta kuazi na fin di livru, ta mostra kuzê ki un algen meste pa el sta priparadu pa prega djuntu ku kongregason i batiza. (Odja imaji 2.)

Prende más: Kel párti li, ten splikason di alguns asuntu inportanti. Livru na formatu dijital, ten un link dipôs di kada splikason ki ta djuda-u volta otu bês na kel lugar ki bu para. (Odja imaji  2.)