Mortus pode vive otu bês?
Bu ta atxa ma. . .
-
sin?
-
nau?
-
talvês?
KUZÊ KI BÍBLIA TA FLA
‘Ta ben ten resureison’. — Atos 24:15, Tradução do Novo Mundo.
DI KI MANERA KEL-LI TA DJUDA-U?
Kel promésa li pode. . .
konsola-u óras ki móre algen ki bu krê txeu. — 2 Coríntios 1:3, 4.
djuda-u pa bu ka ten medu di mórti. — Hebreus 2:15.
da-u un speransa sértu di torna ben resebe bu família i amigus ki sta mortu. — João 5:28, 29.
NU PODE KÚNFIA NA BÍBLIA?
Sin, pa três motivu:
-
Deus é Kriador di vida. Bíblia ta txoma Jeová Deus di ‘fonti di vida’. (Salmo 36:9; Atos 17:24, 25 ) Si el da vida pa tudu kriatura, di sertéza el pode da vida otu bês pa algen ki dja móre.
-
Deus dja resusitaba algen. Bíblia ta fala di 8 algen — ómis i mudjeris di idadi diferenti — ki resusitadu pa vive otu bês na Téra. Uns resusitadu na mésmu dia ki es móre, má ten un ki resusitadu dipôs di kuatu dia mortu! — João 11:39-44.
-
Deus ten txeu vontadi di torna faze-l. Jeová ten ódiu di mórti, pa el mórti é un inimigu. (1 Coríntios 15:26 ) El ten txeu vontadi di kaba ku es inimigu i é ku resureison ki el ta ben kaba ku el. El ten sodadi di kes algen ki sta na se mimória i el krê odja-s ta vive otu bês na Téra. — Jó 14:14, 15.
PENSA NA KEL PERGUNTA LI
Bu pode gosta di kes-li tanbê
ESSENTIAL BIBLE TEACHINGS
Kuzê ki ta kontise ku nos óras ki nu móre?
Bíblia ta promete ma ta ben ten un ténpu ki un monti di algen ta ben resusitadu, sima kontise ku Lázaru.
RESPÓSTAS PA PERGUNTAS DI BÍBLIA
Kuzê ki é resureison?
Bu pode fika dimiradu di sabe kenha ki ta ben torna vive otu bês na futuru.
NOS ORGANIZASON
Pamodi ki nu debe studa Bíblia?
Bíblia sta ta da respóstas pa perguntas más inportanti di vida, pa milhons di algen na mundu interu. Bu krê ser un di es?
ENSINUS DI BÍBLIA
Sprimenta studa Bíblia ku nos
Ten un studu di Bíblia djuntu ku un algen ki ta djuda-u ntende-l.
