Izénplus di Bíblia ki pode djuda-u:

• Gén 24:1-4, 7 — Abraon disidi djobe un mudjer ki ta sirbiba Jeová pa ser mudjer di se fidju, Izaki, envês di kes kananeu ki ta adoraba otus deus.

• Gén 28:1-4 — Izaki fla Jakó ma el ka debe kazaba ku un mudjer di Kanan, má el debe skodjeba un mudjer ki ta sirbiba Jeová.

Izénplus di Bíblia ki pode djuda-u:

• 1Rs 11:1-6, 9-11 — Jeová fika xatiadu ku rei Salumon pamodi el ka obi ku Se lei, i el kaza ku mudjeris stranjeru i el dexa-s disvia se korason.

• Ne 13:23-27 — Sima Jeová, Neemias fika txeu xatiadu ku kes ómi israelita ki kaza ku mudjeris stranjeru ki ka ta sirbiba Jeová, pur isu el disiplina-s i koriji-s.

Izénplus di Bíblia ki pode djuda-u:

• 1Sa 25:2, 3, 14-17 — Nabal éra un ómi riku, má el éra runhu i un mau maridu pa Abigail.

• Pr 21:9 — Si nu ka skodje dretu nu pode kaza ku un algen ki nu ka ta ser nen filís nen sta na pas ku el.

• Ro 7:2 — Apóstlu Paulu splika ma óras ki un mudjer kaza el ta fika dibaxu di autoridadi di un maridu inperfeitu. Pur isu, un mudjer ki ten sabedoria ta skodje dretu ken ki el ta seta pa ser se maridu.

Izénplus di Bíblia ki pode djuda-u:

• Pr 24:27 — Antis di un ómi kaza, i talvês ten fidjus, el debe trabadja duru asi pa el sta prontu pa kuida di un família.

Izénplus di Bíblia ki pode djuda-u:

• Ru 2:4-7, 10-12 — Boás konxe Rute dretu kantu el djobe modi ki el ta trabadjaba duru i kantu el obi informasons na algen di kunfiansa sobri se reputason, manera ki el ta trataba se família i modi ki el ta amaba Jeová.

• Ru 2:8, 9, 20 — Rute odja ma Boás éra un bon ómi, el gostaba di da i ma el ta amaba Jeová.

Izénplus di Bíblia ki pode djuda-u:

• Pr 5:18, 19 — Ten alguns manera di mostra amor ki é sô pa kes ki sta kazadu.

• Cân 1:2; 2:6 — Duránti ses namoru, kel jóven pastor i kel sulamita mostra ses sentimentu pa kunpanheru di manera puru.

• Cân 4:12; 8:8-10 — Kel jóven sulamita kontinua puru i el kontrola se kabésa. El éra sima un jardin trankadu.

Izénplus di Bíblia ki pode djuda-u:

• Gén 21:8-12 — Jeová fla Abraon pa obi ku Sara se mudjer mésmu ki el ka gosta di kuza ki el pidi-l.

• Pr 31:10, 11, 16, 28 — Un maridu ki ten sabedoria i ki ten un bon mudjer ka ta kontrola-l nen el ka ta fika ta djobe se fadja, má el ta kunfia na el i el ta ilojia-l.

• Ef 5:33 — Apóstlu Paulu mostra ma un mudjer meste sabe ma se maridu ta ama-l.

Izénplus di Bíblia ki pode djuda-u:

• Pr 1:8; 1Ko 7:4 — Deus da mudjer i kes ki é mai algun responsabilidadi na família.

• 1Ko 11:3 — Apóstlu Paulu splika ma nos tudu nu sta dibaxu di algun tipu di autoridadi, fóra Deus ki é Tudu-Poderozu.

• Eb 13:7, 17 — Na kongregason, ómi ku mudjer debe apoia i obi ku kes ki skodjedu pa toma kónta di es.

Izénplu di Bíblia ki pode djuda-u:

• Gén 18:12; 1Pe 3:5, 6 — Sara tinha txeu ruspetu pa Abraon ki na se pensamentu el ta txomaba el di “sinhor”.

Izénplus di Bíblia ki pode djuda-u:

• Gén 24:62-67 — Rebeka djuda se maridu Izaki atxa konsolu dipôs ki se mai móre.

• 1Sa 25:14-24, 32-38 — Abigail proteje se maridu ki ka tinha juís i el salva se kaza kantu el inplora Davidi ku umildadi pa mostra mizerikórdia.

• Est 4:6-17; 5:1-8; 7:1-6; 8:3-6 — Rainha Ester poi se vida na prigu dôs bês pa proteje povu di Deus, kantu el bai odja se maridu, enbóra el ka manda txoma-l.