LISON 24

Kuzê ki Bíblia ta fla sobri anjus?

TOKA

Jeová krê pa nu konxe se família na Séu. Se família ta inklui anjus, ki tanbê ta txomadu ‘fidjus di Deus’. (Jó 38:7) Kuzê ki Bíblia ta fla sobri anjus? Kuzê ki anjus ta faze? Tudu anjus ta faze párti di família di Deus?

1. Ken ki é anjus?

Jeová faze anjus antis di el faze Téra. Es ta mora na Séu djuntu ku Jeová i nu ka ta konsigi odja-s. (Hebreus 1:14) Ten milhons di anju, i kada un di es ten ses manera di ser. (Apocalipse 5:11) Es ta ‘kunpri palavra di Jeová, i es ta obi ku kuzê ki el ta fla.’ (Salmo 103:20) Na ténpu antigu, Jeová alvês ta mandaba anjus pa lebaba se mensaji i pa djuda ô salva se povu. Oji tanbê, anjus ta orienta kristons pa djuda kes algen ki krê prende sobri Deus.

2. Ken ki é Satanás ku se dimónis?

Alguns anju ka obi ku Jeová. Primeru anju ki rabela é kel ‘ki ta txomadu di Diabu i Satanás, ki sta ta ngana Téra interu.’ (Apocalipse 12:9) Satanás krê mandaba na otus algen. Pur isu, el poi Adon ku Eva i tanbê ti otus anju ta rabela kóntra Deus. Kes anju ki rabela ta txomadu dimónis. Jeová bota-s di Séu pa Téra, i es ta ben ser distruídu. — Lé Apocalipse 12:9, 12.

3. Modi ki Satanás ku se dimónis ta tenta ngana-nu?

Satanás ku se dimónis ta uza fitisaria ô bruxaria pa ngana algen. Fitisaria ô bruxaria é óras ki un algen ta tenta pâpia ku dimónis, i Jeová ka gosta di kel-la. Pur izénplu, alguns algen ta bai na kes ki ta uza astrolojia, ki ta tenta dibinha futuru i na kuranderus. Otus algen ta uza fitisaria ô bruxaria pa kura ses duénsa. Tanbê, Satanás ku se dimónis ta poi pesoas ta kridita ma es ta konsigi pâpia ku kes algen ki dja móre. Má Jeová ta aviza-nu: ‘Ka nhos djobe ajuda na kes algen ki ta invoka spritu nen ka nhos konsulta kes algen ki ta dibinha’. (Levítico 19:31) El ta da-nu kel avizu li pa proteje-nu di Satanás ku se dimónis. Es é inimigus di Deus i es krê prujudika-nu.

SABE MÁS

Prende sobri kes kuza dretu ki anjus ta faze, pamodi ki fitisaria ô bruxaria é prigozu i modi ki nu pode proteje di Satanás ku se dimónis.

4. Anjus ta djuda pesoas prende sobri Jeová

Anjus ka ta bai prega pa pesoas. Má, es pode djuda sérvus di Deus atxa kes algen ki krê prende sobri Deus. Lé Apocalipse 14:6, 7, i dipôs pâpia sobri kes pergunta li:

Pamodi ki nu meste di ajuda di anjus na pregason?
Bu ka ta fika kontenti di sabe ma anjus pode djuda-u atxa kes algen ki krê prende sobri Bíblia? Pamodi?

5. Ka bu mete na fitisaria ô bruxaria

Satanás ku se dimónis é inimigus di Jeová. Es é nos inimigus tanbê. Lé Lucas 9:38-42, i dipôs pâpia sobri kel pergunta li:

Kuzê ki dimónis ta faze ku algen?

Nu ka krê dexa dimónis influensia nos manera di vive. Lé Deuteronómio 18:10-12, i dipôs pâpia sobri kes pergunta li:

Modi ki dimónis ta tenta influensia-nu i pâpia ku nos? Kuzê ki pesoas ta kustuma faze ligadu ku fitisaria ô bruxaria, na undi bu ta mora?
Jeová ka krê pa nu mete na fitisaria ô bruxaria. Bu ta konkorda ku kel-li? Pamodi?

Odja VÍDIU, i dipôs pâpia sobri kes pergunta li:

VÍDIU: ‘Nhos fika kóntra Diabu’ (5:02)

Bu ta atxa ma kel kuza ki Paula poi se fidju-fémia na mô éra prigozu? Pamodi?
Kuzê ki Paula tinha ki fazeba pa el proteje di dimónis?

Kristons verdaderu sénpri fika kóntra dimónis. Lé Atos 19:19 i 1 Coríntios 10:21, i dipôs pâpia sobri kel pergunta li:

Pamodi ki é inportanti distrui kalker kuza ki sta ligadu ku fitisaria ô bruxaria?

6. Nu pode ganha géra kóntra Satanás ku se dimónis

É Satanás ki ta manda na dimónis. Má ken ki ta manda na kes anju fiel é Jizus, ki tanbê ta txomadu Migel, kel anju prinsipal. Kantu puder ki Migel ten? Lé Apocalipse 12:7-9, i dipôs pâpia sobri kes pergunta li: