1. Ó Jeová, pa bu ser lovadu,

Faze bu nómi ser santifikadu.

Kel ki bu krê bu pode kunpri-l,

Nada pa bo é ka txeu difísil.

Faze pa bu Reinu ben,

Pa se bensons ben tanbê.

2. Ó Jeová, nu ta agradise,

Bu abensua-nu más ki nu merese.

Bu ta gia-nu sénpri na lus

Ku bus konsedju, leis i prinsípius.

Pa kel-li nu ta lova-u,

Obrigadu, nu ta fla-u.

3. Da-nu konsolu, fé i speransa

Pa nu aguenta firmi sen nu kansa.

Leba nos karga n’es mundu li,

Sô na bu forsa nu ta konsigi.

Nu krê kunpri, ó Jeová,

Kel promésa ki nu fla.