SPLIKASON DI TESTUS DI BÍBLIA
Marcos 1:15 — ‘Reinu di Deus sta kuazi ta ben’
‘Dja txiga kel ténpu markadu, i Reinu di Deus sta kuazi ta ben. Nhos rapende i nhos ten fé na notísias sábi.’ — Marcos 1:15, Tradução do Novu Mundo.
Kuzê ki Marcos 1:15 ta siginifika
Jizus Kristu fla ma Reinu di Deus a staba ‘kuazi ta ben’, pamodi é el ki ta ben sérba Rei di Reinu di Deus i dja el staba djuntu ku kes algen ki el fla kes palavra li.
Jizus ka krê flaba ma Reinu di Deus dja kumesaba ta governa. Na verdadi, dipôs el mostra se disiplus ma Reinu ta binha na futuru. (Atos 1:6, 7) Má, Jizus txiga na kel ténpu sértu, na kel anu ki Bíblia dja flaba ma Rei b ta parseba. Pur isu, Jizus podia fla: ‘Dja txiga kel ténpu markadu’, ki éra kel ténpu pa el kumesaba se trabadju di pregason di ivanjélhu ô notísias sábi sobri Reinu. — Lucas 4:16-21, 43.
Pa pesoas traba pruvetu di kes notísia sábi di Reinu, es mesteba rapende, dexa di faze kes pekadu i vive di akordu ku lei di Deus sobri manera di konporta. Kes ki rapende, mostra ma es tinha fé na kes notísia sábi di kel Reinu ki staba pa ben.
Kuzê ki kes versíklu antis i dipôs di Marcos 1:15 ta fla
Jizus fla kes palavra li na komésu di se trabadju di pregason na Galilea. Mateus 4:17, ki ta pâpia di mésmu kuza, ta fla ma ‘di la pa dianti,’ Jizus prega sobri Reinu di Deus. Téma di pregason di Jizus éra Reinu di Deus. Kes kuatu Ivanjélhu c ta pâpia sobri Reinu más di 100 bês, prinsipalmenti na kes kuza ki Jizus fla. Na Bíblia, Jizus pâpia sobri Reinu más di ki kalker otu kuza.
Lé Marcos kapítlu 1 djuntu ku kes splikason di nóta di rodapé, kes referénsia, imajis i un mapa.
a Reinu di Deus é un govérnu na Séu ki Deus kria pa faze se vontadi na Téra. (Daniel 2:44; Mateus 6:10) Pa más informason, djobe artigu “Kuzê ki é Reinu di Deus?”
b Jizus tinha ki bira Rei pa el podia kunpri un di kes papel, ki é di kel Misías, ki é reprizentanti spesial di Deus. Pa más informason sobri profesias ki ta prova ma Jizus é kel Misías ki Bíblia dja flaba, djobe “Profesias di Bíblia ta prova ma Jizus éra Misías?”.
c Kes Ivanjélhu é kes primeru kuatu livru di Skrituras Gregu, ki txeu bês ta txomadu Novu Testamentu, ki ta pâpia sobri vida di Jizus i se trabadju di pregason.
Bu pode gosta di kes-li tanbê
RESPÓSTAS PA PERGUNTAS DI BÍBLIA
Profesias di Bíblia ta prova ma Jizus éra Misías?
Ten más ki un Misías?
ESSENTIAL BIBLE TEACHINGS
Kuzê ki é Reinu di Deus?
Na se trabadju di pregason, kuza ki más Jizus pâpia di el éra Reinu di Deus. Dja ten txeu ténpu ki se sigidoris ta ora pa kel Reinu ben.
ENSINUS DI BÍBLIA
Ajudas pa studa Bíblia
Skodje publikasons, vídius ô otus ajuda pa bu pode studa Bíblia di un manera ki bu ta prende más.
ENSINUS DI BÍBLIA
Sprimenta studa Bíblia ku nos
Ten un studu di Bíblia djuntu ku un algen ki ta djuda-u ntende-l.
