Na Lumingu 27 mars 2022, bo basisaka Biblia—Nsangu ya Mbote ya Kusonikaka Matayo na Ndinga Konkani. Bantu kiteso ya 600 landaka manaka na ndinga yina ya bo kotisaka dezia ndinga. Bantu lendaka kubaka mukanda yai na Internet kaka na ntangu yina na ba formats mingi. Babiblia ya papie ta basika na nima kaka na mvula yai.

Konkani kele na kati ya bandinga 23 ya nene yina bo ke tubaka na Inde. Bo ke tubaka ndinga yango mingi-mingi na ndambu ya westi ya Inde. Bambangi ya Yehowa yantikaka kulonga nsangu ya mbote na ndinga Konkani na 1957 ntangu bo tindaka bapasudi-nzila ya nene na Inde. Dibundu ya ntete ya vandaka kusala balukutakanu na ndinga Konkani basikaka na 1959.

Na ntangu yina Babiblia vandaka mingi ve na Konkani tii na 1974. Na 1974, bantu lendaka kutanga Masonuku ya Kigreki ya Bukristu yina bo balulaka na Konkani. Bo basisaka mpi Masonuku ya Kiebreo na ndinga Konkani na 2006. Ata mpidina, bantu mingi ya ke tubaka Konkani vandaka kubakisa ve mambu yina bo balulaka na Babiblia yango.

Bansamuni ya ke tubaka Konkani vandaka kusadila mikanda yina Bambangi ya Yehowa me basisaka na ndinga yai. Ata mpidina, bansamuni vandaka ve ti Biblia ya siki-siki yina bo lendaka kusadila. Mu mbandu, mbaludi mosi tubaka nde: “Biblia ya ntete yina beto vandaka kusadila balukaka Matayo 6:33 mutindu yai: ‘Susi na beto ya ntete-ntete fwete vanda ya kutambula na kuwakana ti bansiku ya Kimfumu ya Nzambi mpi ya kusala mambu yina ke pesaka yandi kiese.’ Kansi na mukanda ya Matayo ya bo me katuka kubalula, verse yai kele pwelele mpi mpasi ve na kubakisa.”

Mbaludi ya nkaka tubaka nde: “Ata bansamuni ya ke tubaka Konkani kele mingi ve bonso ya bandinga ya nkaka, kuzwa mukanda yai ya Matayo na Mbalula ya Nsi-Ntoto ya Mpa na ndinga na beto ke monisa nde, Yehowa ke tudilaka beto yonso dikebi.”

Beto ke tula ntima nde mbalula yai ya mpa ta sadisa bampangi na beto ya ke tubaka ndinga Konkani na kulanda kupusana pene-pene ya Yehowa.—Yoane 6:44.