Bantu ya nkaka ke kwikilaka nde . . .

Yo kele lufwa ya bantu yonso na minduki ya nikleyere to na nzila ya kubeba ya mupepe. Nki nge ke yindula?

Mambu yina Biblia ke tubaka

Armagedoni kele kisika ya kifwani ya “bitumba ya kilumbu ya nene ya Nzambi Nkwa-Ngolo Yonso,” bitumba yina yandi ta nwanisa bantu ya mbi.—Kusonga 16:14, 16.

Inki mambu ya nkaka beto lenda longuka na Biblia?

• Nzambi ta nwana ve bitumba ya Armagedoni sambu na kubebisa ntoto, kansi sambu na kugulusa yo na bantu yina ke bebisa yo.—Kusonga 11:18.

• Bitumba ya Armagedoni ta sukisa bitumba yonso.—Nkunga 46:8, 9.

Inki mvutu nge ta pesa?

• Ee

• Ve

• Mbala ya nkaka

Mambu yina Biblia ke tubaka

“Kimvuka mosi ya nene” ya bantu ya makanda yonso ta guluka na “mpasi ya nene” yina ta suka na bitumba ya Armagedoni.—Kusonga 7:9, 14.

Inki mambu ya nkaka beto lenda longuka na Biblia?

• Nzambi ke zola nde bantu mingi kuguluka na bitumba ya Armagedoni. Yandi ta fwa bantu ya mbi kimakulu.—Ezekiele 18:32.

• Biblia ke monisa mutindu bantu lenda guluka na Armagedoni.—Sefania 2:3.