Nzambi ke waka. Biblia ke ndimisa beto nde “Yehowa kele pene-pene ya bantu yonso yina ke bingaka yandi, ya bantu yonso yina ke bingaka yandi na kieleka. . . . Yandi ke waka kudila na bo sambu na kulomba lusadisu.”—Nkunga 145:18, 19.

Nzambi ke zola nde nge samba yandi. Biblia ke songa beto nde: “Na mambu yonso na nzila ya kisambu mpi ntangu beno ke bondila ti kupesa matondo, beno zabisa Nzambi mambu ya beno ke lomba.”—Bafilipi 4:6.

Nzambi ke kudiyangisaka mpenza sambu na nge. Nzambi ke zabaka mbote mambu yina ke yangisa beto mpi basusi na beto mpi yandi ke zola kusadisa beto. Biblia ke tuba nde: ‘Beno losa basusi na beno yonso na yandi sambu yandi ke kudibanzaka sambu na beno.’—1 Piere 5:7.