Bo Kesadila Zina ya Nzambi na Afrika ya Kati

BANTU mingi ya Afrika ya Kati kekwikilaka na Nzambi. Bo ketulaka ve ntembe nde yandi kele Ngangi ya bima yonso. (Kusonga 4:11) Kansi, bonso bantu mingi yina kezingaka na bisika yankaka, bo kezabaka ve zina na yandi​—Yehowa.

Bantu ya Afrika ya Kati ti bayina kezingaka na bisika yankaka na ntoto, ketubilaka zina ya Nzambi ntangu bo ketubaka na Kisambu ya Mfumu nde: “Zina na nge ya santu kuvanda ya lukumu.” (Matayo 6:9) Bamvula mingi meluta, bantu fyoti mpamba vandaka kuzaba zina yina. Kansi, na bamvula yai, kisalu ya kusamuna yina Bambangi ya Yehowa kesalaka na kikesa yonso mesadisaka bantu na kubalula mabanza na bo sambu na yina metala kusadila zina ya Nzambi. Bubu yai, zina ya Nzambi mezabanaka mpenza na bisika mingi mpi bo mendimaka yo na bandinga mingi ya Afrika, mu mbandu na Zoulou (uJehova), na Yoruba (Jehofah), na Xhosa (uYehova) mpi na Swahili (Yehova). Ata mpidina, ba Biblia mingi ya bo mesonikaka na bandinga yai kesadilaka ve zina ya Nzambi.

Biblia mosi ya kitoko ya kesadilaka zina ya Nzambi kele Biblia ya Kizande, ndinga mosi ya bo ketubaka na bisika mingi na République Centrafricaine, na Soudan, mpi na République Démocratique du Congo. Na bansi yai, bantu kesadilaka zina ya Nzambi, ebuna bo kesonikaka yo Yekova na ndinga na bo. Ata bo kesonikaka zina ya Nzambi konso nki mutindu yina na ndinga na beno, yo kele mfunu nde nge sadila yo. Sambu na nki? Sambu “konso muntu yina ta samba [na zina ya Yehowa, NW], yandi ta guluka.”​—Roma 10:13.

[Map/​Kifwanisu ya kele na lutiti 32]

(Sambu na kumona mambu yonso, tala mukanda)

SOUDAN

RÉPUBLIQUE CENTRAFRICAINE

RÉPUBLIQUE DÉMOCRATIQUE DU CONGO

[Bangogo ya kemonisa kisina ya foto]

The Complete Encyclopedia of Illustration/​J. G. Heck