Dyambu ya Kuluta Mfunu na Luzingu ya Bantu

YO VANDAKA lufwa ya Yezu Kristu. Sambu na nki yo vandaka mfunu mingi? Bikuma kele mingi.

Kwikama ya Yezu tii na lufwa kumonisaka nde muntu lenda bikala mpi ya kwikama na Nzambi.

Lufwa ya Kristu kupesaka bantu yankaka okazio ya kuyala ti yandi na zulu. Yo kangudilaka mpi bantu mingi nzila ya kubaka luzingu ya mvula na mvula na paladisu na ntoto.

Na nkokila, na ntwala nde yandi kufwa, Yezu sadilaka mampa ya kukonda levire ti vinu ya mbwaki bonso bidimbu ya kimenga ya luzingu na yandi ya yandi kutambikaka na zola yonso. Ebuna yandi songaka balongoki na yandi nde: “Beno [landa na kusala, NW] mpidiyai sambu na kuyindula mono.” (Luka 22:19) Keti nge tayibuka dyambu yai ya mfunu?

Bambangi ya Yehowa kebingisa nge na kyese yonso na kuvukana ti bo sambu na kuta nkinsi ya Lusungiminu ya lufwa ya Yezu. Mvula yai, beto tasala nkinsi yai na Kiya, Marsi 28, na nima ya kudinda ya ntangu. Nge lenda kwenda na Nzo ya Kimfumu yina kele penepene ti nzo na nge. Yula Bambangi ya Yehowa ya kisika yina nge kezingaka sambu na kuzaba ntangu ti kisika ya beno takutana.