NZOZULU YA NKENGI—NIMERO YA KULONGUKA Septembri 2013
Bika nde Luswaswanu Kusadisa Nge
Mbala mingi, Yezu vandaka kusadila luswaswanu. Longuka mutindu nge lenda sadila luswaswanu sambu na kusadisa bankaka na kuzaba kieleka ya Biblia.
Bangibusa ya Yehowa Me Fwana na Kutudila Ntima
Mbala na mbala Yehowa ke sadilaka bangibusa sambu na kutwadisa bansadi na yandi. Sambu na nki beto lenda tudila bangibusa ya Nzambi ntima bubu yai?
Bika nde Bangibusa ya Yehowa Kusepedisa Ntima na Nge
Keti beto ke sepelaka kulemfukila bantuma ya Yehowa, to bantangu ya nkaka beto ke monaka nde yo kele mpasi mingi? Inki mutindu beto lenda tudila bangibusa ya Yehowa ntima?
Keti Beno Me Sobaka Kimuntu na Beno?
Sambu na nki Bakristu yonso fwete tadila ‘kusoba kimuntu na bo’? Nsoba yai ke tadila inki, mpi inki mutindu beto lenda nunga?
Baka Badesizio ya Mayele
Inki mutindu beto lenda baka badesizio na kuwakana ti luzolo ya Nzambi? Inki lenda sadisa beto na kulungisa badesizio ya beto ke bakaka?
Kimupasudi-Nzila Ke Kumisaka Ngolo Bangwisana na Beto ti Nzambi
Tadila mitindu nana yina kimupasudi-nzila lenda kumisa bangwisana na nge ti Yehowa ngolo. Inki lenda sadisa nge na kulanda kusala kisalu yai?
Bangiufula ya Batangi
Sambu na nki Yezu basisaka mansanga na ntwala ya kufutumuna lazare, mutindu Yoane 11:35 ke monisa yo?
