Bamvutu na Bangiufula ya Biblia
Keti kinsukami lenda mana na ntoto?
Inki Mutindu Nzambi ta Katula Kinsukami na Ntoto ya Mvimba?
Konso mvula, kukonda madia mpi maladi ke fwaka bantu mingi kibeni sambu na kinsukami ya ngolo. Ata bansi mingi kele ti bimvwama, bantu mingi ke zingaka na kinsukami ya ngolo. Biblia ke monisa nde kinsukami me yantikaka banda ntama.
Sambu na kumanisa kinsukami, yo ke lomba luyalu mosi na ntoto ya mvimba. Luyalu ya mutindu yai fwete kabula bimvwama ya ntoto mbote-mbote mpi kusukisa bitumba, kima ya kele na kisina ya kinsukami. Nzambi ke sila beto luyalu ya mutindu yai.
Nani lenda manisa kinsukami?
Nzambi me ponaka Mwana na yandi Yezu sambu na kuyala bantu. (Nkunga 2:4-8) Yezu ta gulusa bansukami mpi ta sukisa mambu ya nku.
Biblia tubaka na ntwala nde Yezu, “Mfumu ya Ngemba” ta tula ngemba na ntoto ya mvimba mpi ta tanina bantu. Yo yina, konso muntu na ntoto ta vanda ti nzo na yandi, kisalu ya mbote mpi madia mingi.
Nge Lenda Sepela Mpi Ti
NZOZULU YA NKENGI
Inki Yezu Ta Sala na Bilumbu Ke Kwisa?
Yezu ke sala mambu sambu na kutula ngemba na ntoto.
BAMVUTU NA BANGIUFULA YA BIBLIA
Inki Kimfumu ya Nzambi Ta Sala?
Sosa kuzaba mambu yina nge ta sepela kumona ntangu kimfumu ya Nzambi ta yala ntoto.
