Nkunga 116:1-19
116 Mono ke zolaka Yehowa,Sambu yandi ke waka* ndinga na mono, bisambu ya mono ke salaka sambu na kulomba lusadisu.+
2 Sambu yandi ke tudila mono dikutu,*+Mpi mono ta binga yandi ntangu yonso ya mono kele na luzingu.*
3 Bansinga ya lufwa ziungaka mono;Ngolo ya maziamu kangaka mono.*+
Mpasi ti mawa lutilaka mono.+
4 Kansi mono bingaka zina ya Yehowa:+
“O Yehowa, gulusa mono!”*
5 Yehowa ke fwilaka bantu nkenda* mpi kele lunungu;+Nzambi na beto ke wilaka bantu mawa.+
6 Yehowa ke taninaka bantu yina me konda mayele.+
Bo kulumusaka mono, kansi yandi gulusaka mono.
7 Bika moyo* na mono kupema diaka,Sambu Yehowa me sadila mono mambu na ntima ya mbote.
8 Nge me gulusa mono* na lufwa,Nge me katula mansanga na disu na mono, nge me tanina dikulu na mono sambu yo bula ve sakuba.+
9 Mono ta tambula na ntwala ya Yehowa na insi ya bantu ya moyo.
10 Mono vandaka na lukwikilu, yo yina mono tubaka;+Mono monaka mpasi mingi kibeni.
11 Kansi mono kumaka kisaka-saka mpi mono tubaka nde:
“Konso muntu kele muntu ya luvunu.”+
12 Inki mono ta pesa YehowaSambu na mambu yonso ya mbote ya yandi me sadilaka mono?
13 Mono ta baka dikopa ya luguluku,*Mpi mono ta binga zina ya Yehowa.
14 Mono ta lungisa balusilu na mono na YehowaNa ntwala ya bantu na yandi yonso.+
15 Na meso ya YehowaLufwa ya bantu na yandi ya kwikama kele na mfunu.*+
16 Mono ke bondila nge, O Yehowa,Sambu mono kele nsadi na nge.
Mono kele nsadi na nge, mwana ya mpika na nge ya nkento.
Nge me kangula mono bansinga.+
17 Mono ta pesa nge kimenga ya kupesa matondo;+Mono ta binga zina ya Yehowa.
18 Mono ta lungisa balusilu na mono na Yehowa+Na ntwala ya bantu na yandi yonso,+
19 Na bibansala ya nzo ya Yehowa,+Na kati-kati na nge, O Yeru- zalemi.
Beno kumisa Yah!*+
Banoti na nsi ya lutiti
^ To mbala ya nkaka, “Mono ke zolaka sambu Yehowa ke waka.”
^ To “ke fumbama mpi ke widikila mono.”
^ Na kisina, “na bilumbu na mono.”
^ Na kisina, “Bampasi ya Sheole kangaka mono.”
^ To “moyo na mono.”
^ To “ke sadilaka bantu mambu na luzitu yonso.”
^ Tala Bantendula ya Bangogo.
^ To “moyo na mono.”
^ To “luguluku ya nene.”
^ Na kisina, “ntalu mingi.”
^ To “Aleluya!” “Yah” kele zina ya Yehowa na bunkufi.
