Nkunga 42:1-11
Na ntwadisi. Maskile* ya bana ya Kora.+
42 Bonso kabuluku yina kele na nzala ya ngolo ya masa,Mono* kele na nzala na nge ya ngolo, O Nzambi.
2 Mono* ke wa nzala ya Nzambi, ya Nzambi ya moyo.+
Inki ntangu mono lenda kwisa kumonana na ntwala ya Nzambi?+
3 Mansanga na mono kele madia na mono mpimpa ti mwini;Kilumbu ya mvimba bantu ke sosila mono nde: “Nzambi na nge kele na wapi?”+
4 Mono ke yibuka mambu yai, mpi mono ke tiamuna moyo* na mono,Sambu mono vandaka kutambula ntete ti bantu mingi;Mono vandaka kutambula malembe-malembe na ntwala na bo sambu na kukwenda na nzo ya Nzambi,Ti milolo ya kiese mpi kupesa matondo,Ya kimvuka ya bantu yina ke sala nkinsi.+
5 Sambu na nki mono* me konda kivuvu?+
Sambu na nki mavwanga ya mutindu yai na kati na mono?
Vingila Nzambi,+Sambu mono ta kumisa yandi diaka sambu yandi kele Ngulusi na mono ya Nene.+
6 Nzambi na mono, mono* me konda kivuvu.+
Yo yina mono ke yibuka nge,+Katuka na ntoto ya Yordani mpi na bansongi ya Ermoni,Katuka na Ngumba ya Mizare.*
7 Bamasa ya mudindu ke binga bamasa ya mudinduNa makelele ya bamasa na nge yina ke katukaka na zulu mpi ke bwaka.
Bitembo na nge yonso ya me dasuka me dindisa mono.+
8 Na mwini Yehowa ta monisila mono zola na yandi ya kwikama,Mpi na mpimpa nkunga na yandi ta vanda ti mono—kisambu na Nzambi ya luzingu na mono.+
9 Mono ta tubila Nzambi, ditadi na mono, nde:
“Sambu na nki nge me vila mono?+
Sambu na nki mono fwete tambula na mawa sambu na kuniokula yina mbeni ke niokula mono?”+
10 Bambeni na mono ke sosila mono ti kimbeni ya lufwa;*Kilumbu ya mvimba bo ke sosila mono nde: “Nzambi na nge kele na wapi?”+
11 Sambu na nki mono* me konda kivuvu?
Sambu na nki mavwanga ya mutindu yai na kati na mono?
Vingila Nzambi,+Sambu mono ta kumisa yandi diaka sambu yandi kele Ngulusi na mono ya Nene mpi Nzambi na mono.+
Banoti na nsi ya lutiti
^ Tala Bantendula ya Bangogo.
^ To “Moyo na mono.”
^ To “Moyo na mono.”
^ Tala Bantendula ya Bangogo.
^ To “moyo na mono.”
^ To “moyo na mono.”
^ To “ngumba ya fioti.”
^ To mbala ya nkaka, “bonso nde bo ke tuta mikwa na mono.”
^ To “moyo na mono.”
