Ezekiele 24:1-27
24 Ndinga ya Yehowa kwisilaka mono diaka na mvula ya uvwa, na ngonda ya kumi, na kilumbu ya kumi ya ngonda, nde:
2 “Mwana ya muntu, sonika dati* yai, kilumbu ya bubu yai. Ntotila ya Babilone me yantika kunwanisa Yeruzalemi bubu yai kibeni.+
3 Ta kingana* sambu na nzo ya ke kolamaka, mpi tuba sambu na bo nde:
“‘Yehowa Mfumu ya Kuluta Nene me tuba nde:
“Tula nzungu ya kulambila* na tiya; tula yo na tiya mpi tula masa na kati na yo.+
4 Tula bitini ya misuni na kati,+ bitini yonso ya mbote,Mbendi ti dipeka; fulusa yo ti mikwa ya kuluta mbote.
5 Baka dimeme ya kuluta mbote na kati ya mameme,+ mpi tula bitini ya banti na bandambu yonso na nsi ya nzungu.
Tokisa bitini ya misuni, mpi lamba mikwa yina na kati na yo.”’
6 “Yehowa Mfumu ya Kuluta Nene me tuba nde:
‘Mawa na mbanza yina ke fwaka bantu,+ nzungu ya kulambila yina me bwaka matadi, yina bo me katulaka ve matadi na yo!
Basisa musuni mosi-mosi;+ kubula ve zeke sambu na yo.
7 Sambu menga na yo kele na kati na yo;+ yandi tiamunaka yo na zulu ya ditadi ya kukonda kufika.
Yandi tiamunaka yo ve na ntoto, sambu na kufika yo mfututu.+
8 Sambu na kutedimisa nganzi ya kuvutula mbi,Mono me tula menga na yandi na zulu ya ditadi ya ke sema, ya kukonda kufikaSambu bo fika yo ve.’+
9 “Yo yina Yehowa Mfumu ya Kuluta Nene me tuba nde:
‘Mawa na mbanza yina ke fwaka bantu!+
Mono ta tula bankuni tii na zulu.
10 Tula bitini ya nti mpi pedisa tiya,Tokisa musuni mbote-mbote, tiamuna supu, mpi bika nde mikwa kuzika.
11 Tula nzungu ya mpamba na zulu ya makala sambu yo kuma tiyaMpidina kwivre na yo ta kuma mbwaki sambu na tiya.
Mvindu na yo ta kuma masa-masa na kati na yo,+ mpi matadi na yo yina yo bwaka ta pia tiya.
12 Yo ke yangisaka mpi ke lembisaka,Sambu matadi ya ngolo yina yo bwaka ta katuka ve.+
Losa yo na tiya ti matadi na yo!’
13 “‘Nge kumaka mvindu sambu na mambu na nge ya nsoni.+ Mono mekaka kukumisa nge bunkete, kansi mvindu na nge katukaka ve mpi nge kumaka ve bunkete. Nge ta kuma ve bunkete tii kuna makasi ya mono ke wila nge ta lembama.+
14 Mono mosi, Yehowa, muntu me tuba. Yo ta salama kibeni. Mono ta sala mambu kukonda kuvutuka nima, kukonda kuwa ntantu, mpi kukonda kuwa mawa.+ Bo ta sambisa nge na kutadila banzila na nge ti mambu ya nge me salaka,’ Yehowa Mfumu ya Kuluta Nene muntu me tuba.”
15 Ndinga ya Yehowa kwisilaka mono diaka nde:
16 “Mwana ya muntu, na mbala mosi mono ke zola kukatula nge muntu ya nge ke zolaka.+ Nge fwete wa ve mawa;* nge fwete dila mpi ve to kubasisa mansanga.
17 Nguna na nsi-nsi, mpi kusala ve mambu yina bo ke salaka sambu na bafwa.+ Kangisa tirbani na nge,+ mpi lwata basandale na nge.+ Nge fwete fika ve munoko*+ na nge, mpi kudia ve dimpa yina bantu ya nkaka*+ me natila nge.”
18 Ebuna na suka, mono tubilaka bantu, mpi na nkokila nkento na mono fwaka. Yo yina na suka mono salaka kaka mutindu bo songaka mono.
19 Bantu vandaka kutubila mono nde: “Keti nge ta songa beto ve kana mambu yai ya nge ke sala ke tadila beto na nki?”
20 Mono vutudilaka bo nde: “Ndinga ya Yehowa me kwisila mono nde,
21 ‘Songa nzo ya Izraele nde: “Yehowa Mfumu ya Kuluta Nene me tuba nde, ‘Mono ke zola kuvweza kisika na mono ya santu,+ kisika lulendo na beno ya nene ke katukaka, kima yina beno ke zolaka mingi mpi nzala ya ntima na beno.* Bana na beno ya babakala ti ya bankento yina beno bikaka, bo ta bwa na mbele ya bitumba.+
22 Ebuna beno ta sala mutindu mono me sala. Beno ta fika ve munoko* na beno, mpi beno ta dia ve dimpa yina bantu ya nkaka me natila beno.+
23 Batirbani na beno ta vanda na ba-ntu na beno mpi basandale na beno na makulu na beno. Beno ta wa ve mawa mpi ta dila ve. Kansi, beno ta pola sambu na bifu na beno,+ mpi beno ta nguna-nguna beno na beno.
24 Ezekiele me kuma kidimbu sambu na beno.+ Beno ta sala mutindu yandi me sala. Ntangu yo ta salama, beno ta zaba nde mono kele Yehowa Mfumu ya Kuluta Nene.’”’”
25 “Kansi nge, mwana ya muntu, na kilumbu yina mono ta katula bo kisika na bo ya ngolo—kima ya kitoko ya ke pesaka bo kiese, kima yina bo ke zolaka mingi mpi nzala ya ntima* na bo—kumosi ti bana na bo ya babakala ti ya bankento,+
26 muntu mosi yina ta tina ta natila nge nsangu na yo.+
27 Na kilumbu yina, nge ta kangula munoko na nge, nge ta tuba na muntu yina tinaka, mpi nge ta vanda diaka ve pima.+ Nge ta kuma kidimbu sambu na bo, ebuna bo ta zaba nde mono kele Yehowa.”
Banoti na nsi ya lutiti
^ Na kisina, “zina ya kilumbu.”
^ To “mwanda-mwanda.”
^ To “nzungu ya kulambila ya kele ti munoko ya nene.”
^ To “bula ntulu na nge.”
^ To “mustashe.”
^ Na kisina, “dimpa ya bantu.”
^ To “mawa ya moyo na beno.”
^ To “mustashe.”
^ To “ya moyo.”
