Kulonga 34:1-12
34 Ebuna Moize katukaka na ntoto ya zelo na zelo ya Moabi mpi tombukaka na Ngumba ya Nebo,+ na nsongi ya Pisga,+ yina kele na ntwala ya Yeriko.+ Yehowa songaka yandi insi ya mvimba, katuka Gileadi tii na Dani,+
2 Naftali ya mvimba, insi ya Efrayimi ti ya Manase, mpi insi ya mvimba ya Yuda tii na nzadi-mungwa ya westi,*+
3 Negebi+ mpi Distrike+ ya Yordani, muwanda ya Yeriko, mbanza ya maba, tii na Soare.+
4 Ebuna Yehowa tubilaka yandi nde: “Yai kele insi yina mono zengaka kieleka na Abrahami, Izaki, mpi Yakobi nde, ‘Mono ta pesa yo+ na bana* na nge.’ Mono me bika nde nge mona yo na meso na nge mosi, kansi nge ta sabuka ve sambu na kukota kuna.”+
5 Na nima, Moize nsadi ya Yehowa fwaka kuna na insi ya Moabi kaka mutindu Yehowa tubaka.+
6 Yandi zikaka yandi na muwanda na insi ya Moabi, yina ke talana ti Bete-peore, mpi ata muntu mosi ve me zaba kisika yina maziamu na yandi kele tii bubu yai.+
7 Moize vandaka ti bamvula 120 ntangu yandi fwaka.+ Meso na yandi lembaka ve, mpi ngolo na yandi manaka ve.
8 Bantu ya Izraele dilaka Moize na ntoto ya zelo na zelo ya Moabi bilumbu 30.+ Ebuna bilumbu ya kudila mpi ya mafwa ya Moize manaka.
9 Yozue mwana ya Nuni vandaka na mayele mingi,* sambu Moize tulaka yandi diboko;+ ebuna bantu ya Izraele yantikaka kuwila yandi, mpi bo salaka kaka mutindu Yehowa songaka Moize.+
10 Kansi ata mbikudi mosi ve me basikaka diaka na Izraele bonso Moize,+ yina Yehowa zabaka meso na meso.+
11 Yandi salaka bidimbu yonso mpi bimangu yina Yehowa tindaka yandi na kusala na insi ya Ezipte, na Farao mpi na bansadi na yandi yonso, mpi na insi na yandi ya mvimba,+
12 ti diboko ya ngolo mpi ngolo ya ke pesa boma yina Moize monisaka na meso ya Izraele ya mvimba.+
Banoti na nsi ya lutiti
^ Disongidila, Nzadi-Mungwa ya Nene, Nzadi-Mungwa ya Mediterane.
^ Na kisina, “nkuna.”
^ To “mayele yina Nzambi pesaka.”
