Yezaya 48:1-22
48 Beno wa mambu yai, O nzo ya Yakobi,Beno bantu ya ke kudibinga na zina ya Izraele+Mpi ya me katukaka na bamasa ya* Yuda,Beno bantu ya ke zenga kieleka na zina ya Yehowa+Mpi ya ke binga Nzambi ya Izraele,Ata yo kele ve na kieleka mpi na lunungu.+
2 Sambu bo ke kudibinga mbanza ya santu+Mpi ke sosa lusadisu ya Nzambi ya Izraele,+Yina zina na yandi kele Yehowa ya makesa.
3 “Mambu ya ntama* ya mono songaka nge ntama.
Yo basikaka na munoko na mono mosi,Mpi mono zabisaka yo.+
Na mbala mosi mono salaka yo, mpi yo lunganaka.+
4 Sambu mono zabaka nde nge kele kibeni ntu-ngolo—Nde nkingu na nge kele mu- sisa ya kibende mpi mbu- nzu na nge kele kwivre+—
5 Mono songaka nge yo tuka ntama.
Na ntwala nde yo lungana, mono salaka na mpila nde nge wa yo,Sambu nge tuba ve nde, ‘Kiteki na mono salaka diambu yai;Kiteki na mono ti kiteki na mono ya kibende* pesaka nsiku na diambu yai.’
6 Nge me wa mpi me mona mambu yai yonso.
Keti nge* ta zabisa yo ve?+
Yantika ntangu yai mono ke zabisa nge+ mambu ya mpa,Binsweki ya kubumbana yina nge zabaka ve.
7 Kaka na ntangu yai mono ke ganga bima yai, kansi ntama ve,Mambu yina nge me waka ntete ve na ntwala ya kilumbu yai,Sambu nge tuba ve nde, ‘Tala! Mono zaba yo dezia.’
8 Ve, nge me waka ve,+ nge me zabaka ve,Mpi na ntangu ya ntama makutu na nge vandaka ve ya kukanguka.
Sambu mono ke zaba nde nge kele kibeni muyekudi,+Mpi tuka lubutuku+ bo me bingaka nge muntu ya ke fwaka nsiku.
9 Kansi sambu na zina na mono, mono ta kanga makasi na mono;+Sambu na lukumu na mono mosi, mono ta kudipimisa sambu na nge,Mpi mono ta fwa nge ve.+
10 Tala! Mono me katula nge mvindu, kansi ve bonso arza.+
Mono me meka nge* na fulu ya tiya ya mpasi+ ya ke kumisaka bibende masa-masa.
11 Sambu na mono mosi, sambu na mono mosi, mono ta sala,+Sambu nki mutindu mono lenda bika nde bo vweza mono?+
Mono ke pesaka ve nkembo na mono na muntu ya nkaka.*
12 Wa mono, O Yakobi, mpi Izraele, yina mono me bingaka.
Mono kele mutindu Mosi.+ Mono kele muntu ya ntete; mono kele mpi muntu ya nsuka.+
13 Diboko na mono mosi tulaka fondasio ya ntoto,+Mpi diboko na mono ya kitata tandulaka zulu.+
Ntangu mono ke bingaka yo, yo ke telamaka kumosi.
14 Beno vukana kisika mosi, beno yonso, mpi beno wa.
Nani na kati na bo me zabisaka mambu yai?
Yehowa me zolaka yandi.+
Yandi ta lungisa kiese na yandi ntangu yandi ta nwanisa Babilone,+Mpi diboko na yandi ta kwisa kunwanisa bantu ya Kaldea.+
15 Mono muntu me tuba, mpi mono me binga yandi.+
Mono me nata yandi, mpi nzila na yandi ta nunga.+
16 Beno kwisa pene-pene na mono, mpi beno wa diambu yai.
Katuka luyantiku kibeni mono tubaka ve na kinsweki.+
Tuka ntangu yina yo salamaka mono vandaka pana.”
Ntangu yai, Yehowa Mfumu ya Kuluta Nene me tinda mono, ti* mpeve na yandi.
17 Yehowa, Muntu ya ke sumba nge diaka, Santu ya Izraele,+ me tuba nde:
“Mono, Yehowa, mono kele Nzambi na nge,Muntu yina ke longa nge sambu na mambote na nge mosi,*+Muntu yina ke twadisa nge na nzila yina nge fwete tambula.+
18 A kana nge tula dikebi na bansiku+ na mono!
Ebuna ngemba na nge ta kuma bonso nzadi+Mpi lunungu na nge bonso bitembo ya nzadi-mungwa.+
19 Bana* na nge ta kuma mingi bonso zeloMpi bantekolo na nge bonso bambuma na yo.+
Bo ta katula ve mpi ta fwanza ve ata fioti zina na bo na ntwala na mono.”
20 Beno basika na Babilone!+
Beno tina bantu ya Kaldea!
Beno zabisa yo ti milolo ya kiese! Beno samuna yo!+
Beno sala nde yo zabana tii na nsuka ya ntoto.+
21 Bo waka ve nzala ya masa ntangu yandi twadisaka bo na bisika+ ya kubeba.
Yandi salaka nde masa kubasika na ditadi sambu na bo;Yandi pasulaka ditadi mpi salaka nde masa kubasika mingi.”+
22 Yehowa me tuba nde, “Nge- mba kele ve sambu na bantu ya mbi.”+
Banoti na nsi ya lutiti
^ To mbala ya nkaka, “ya me kulumukaka katuka na.”
^ Na kisina, “ya ntete.”
^ To “kiteki na mono ya kibende ya bo me lamba na tiya.”
^ Na kisina, “beno.”
^ To “me tala nge mbote-mbote.” To mbala ya nkaka, “me sola nge.”
^ To “Mono ke kabisaka ve nkembo na mono ti muntu ya nkaka.”
^ To “kumosi ti.”
^ Na kisina, “sambu nge mosi kubaka mambote.”
^ Na kisina, “Nkuna.”
