Yezaya 50:1-11
50 Yehowa me tuba nde:
“Wapi mukanda ya kufwa makwela+ ya mama na beno, yina mono kulaka?
To na kati ya bantu yina me defisaka mono mbongo, mono tekaka beno na nani?
Tala! Beno kumaka bampika sambu na bifu na beno mosi,+Mpi bambeni kulaka+ mama na beno sambu na mambu na beno mosi ya mbi.
2 Ebuna, sambu na nki ata muntu mosi ve vandaka awa ntangu mono kwi- saka?
Sambu na nki ata muntu mosi ve ndimaka ntangu mono bingaka?+
Keti diboko na mono kele nkufi mingi sambu na kusumba diaka,To keti mono kele ve ti ngolo sambu na kugulusa?+
Tala! Mono ke yumisa nzadi-mungwa+ na kungana na mono;Mono ke kumisa banzadi ntoto-makanga.+
Bambisi na yo ke pola sambu masa kele ve,Mpi yo ke fwa sambu na nzala ya masa.
3 Mono ke lwatisa zulu mudidi,+Mpi mono ke sala saki sambu yo vanda kima ya kufika yo.”
4 Yehowa Mfumu ya Kuluta Nene me pesa mono ludimi ya bantu yina bo me longaka,*+Sambu mono zaba kupesa mvutu* ti bangogo ya mbote*+ na muntu yina me lemba.
Yandi ke tedimisaka mono konso suka;Yandi ke kangulaka dikutu na mono sambu na kuwa bonso bantu yina bo me longaka.+
5 Yehowa Mfumu ya Kuluta Nene me kangula dikutu na mono,Mpi mono me kolama ve.+
Mono me baluka ve sambu na kukwenda na ndambu ya nkaka.+
6 Mono pesaka mukongo na mono na bantu yina ke bula monoMpi matama na mono na bantu yina tumunaka yo mandefo.*
Mono bumbaka ve luse na mono na mambu ya nsoni mpi na mate.+
7 Kansi Yehowa Mfumu ya Kuluta Nene ta sadisa mono.+
Yo yina mono ta wa nsoni ve.
Yo yina mono me tula luse na mono bonso ditadi ya sileksi,+Mpi mono ke zaba nde bo ta pesa mono nsoni ve.
8 Muntu yina ke ndima mono bonso muntu ya lunungu kele pene-pene.
Nani lenda funda* mono?+
Bika beto telama kumosi.*
Nani kele ti diambu ya kufunda mono?
Bika yandi pusana pene-pene na mono.
9 Tala! Yehowa Mfumu ya Kuluta Nene ta sadisa mono.
Nani ta tuba nde mono me sala mbi?
Tala! Bo yonso ta beba bonso lele.
Nselele ta dia bo.
10 Nani na kati na beno ke wa Yehowa bomaMpi ke wa ndinga ya nsadi na yandi?+
Nani me tambula na mpimpa ya ngolo, kukonda ata mwa nsemo?
Bika nde yandi tula ntima na zina ya Yehowa mpi kuyekama na* Nzambi na yandi.
11 “Tala! Beno bantu yonso yina ke pedisa tiya,Ke sala nde tiya kupumbuka,Beno tambula na nsemo ya tiya na beno,Na kati ya tiya yina beno pedisaka.
Yai kele kima ya beno ta baka na diboko na mono:
Beno ta lala na mpasi ya ngolo kibeni.
Banoti na nsi ya lutiti
^ To mbala ya nkaka, “kupesa kikesa.”
^ Na kisina, “ti ngogo mosi.”
^ To “ludimi ya bo me longa mbote-mbote.”
^ To “yina tumunaka mandefo.”
^ To “swana ti.”
^ To “beto talana.”
^ To “kutula ntima na.”
