20:28

Balongi ya nsiku ti Bafarize ya lulendo vandaka kusosa kuyitukisa bantu mpi kuzola lukumu. (Mat 23:5-7) Kansi Yezu swaswanaka ti bo. “Mwana ya muntu kwisaka ve sambu bantu kusadila yandi, kansi sambu na kusadila.” (Mat 20:28) Keti beto ke tulaka dikebi ntete-ntete na mambu ya lusambu yina lenda sala nde bantu kuzaba beto mpi kupesa beto lukumu? Kana beto ke zola kuvanda bantu ya nene na meso ya Yehowa, beto fwete landa mbandu ya Yezu mpi kusala ngolo sambu na kusadila bantu ya nkaka. Mbala mingi mambu ya mutindu yai ke monanaka ve na meso ya bantu kansi Yehowa mpamba ke monaka yo. (Mat 6:1-4) Nsadi ya kudikulumusa ke . . .

• tulaka bunkete na nzo ya Kimfumu mpi ke taninaka yo

• bakaka bangidika sambu na kusadisa minunu mpi bantu ya nkaka

• pesaka mbongo sambu na kupesa maboko na mambote ya Kimfumu