Ntangu Yezu vandaka na ntoto, yandi monisaka zola ya mingi sambu na bantu mingi-mingi sambu na bansukami mpi bayina vandaka na mpasi. (Matayo 9:36) Nkutu, yandi pesaka luzingu na yandi sambu na mambote ya bantu ya nkaka. (Matayo 20:28; Yoane 15:13) Ntama ve, yandi ta monisa diaka nde yandi ke zolaka bantu mingi ntangu yandi ta sadila ngolo mpi kiyeka na yandi ya Mfumu ya Kimfumu ya Nzambi sambu na kumanisa kinsukami na ntoto ya mvimba.

 Biblia sadilaka bangogo yai ya kitoko sambu na kutubila mambu yina Yezu ta sala:

•   “Bika yandi samba sambu na bantu ya kukonda mfunu na kati ya bantu, yandi gulusa bana ya nsukami.”—Nkunga 72:4.

 Inki mutindu beto lenda monisa ntonda sambu na mambu yina Yezu me salaka mpi yina yandi ke landa kusala sambu na beto? Mutindu Luka 22:19 ke monisa yo, Yezu lombaka balongoki na yandi na kuyibuka lufwa na yandi. Kikuma yo yina konso mvula, na dati yina Yezu fwaka, Bambangi ya Yehowa ke vukanaka sambu na kuyibuka lufwa na yandi. Beto ke bingisa nge na kuvukana ti beto sambu na Kuyibuka Lufwa ya Yezu na Lumingu 24 mars 2024.

Kisika Yina Nkinsi ya Kuyibuka Lufwa ya Yezu Ta Salama