Bangogo ya Luyantiku

Dauda, ya Sierra Leone, kebula disolo nde: “Mono meyela na kamwa bwala mosi ya nzyunga ya Nordi. Kilumbu mosi, ntangu mono vandaka mwana ya fyoti, dibuta na mono mpi dibuta yankaka nwaninaka ndambu ya ntoto. Konso dibuta vandaka tuba nde yau ke ya yandi. Ebuna sambu na kuzenga dyambu yango, bau bingaka nganga. Yandi pesaka talatala na muntu mosi, yina yandi fikaka luse nandi na lele ya mpembe. Muntu yango, nansi ya lele, yantikaka na kutekita mpi na kutoka. Ntangu yandi talaka na talatala, yandi tubaka nde: ‘Mono kemona mununu mosi ya bakala kefinama! Yandi melwata bilele ya mpembe. Yandi ke ndá mpi mununu, yandi ke na nsuki ya mpembe, mpi yandi ketambula ya mwa kufumama.’

“Kuvandaka nkaka na mono ya bakala yandi vandaka tubila! Na nima yandi kumaka makasi mpi yantikaka na kuboka ngolo nde: ‘Kana beno kendima ve yina ya mono ketuba, beno tala beno mosi!’ Kyeleka, ata muntu mosi ve na kati na beto meyunsaka na kusala mpidina! Nganga yantikaka na kulembika muntu yina mbundu na kulosilaka yandi mwa matanga ya nkisi yina yandi salaka na matiti mpi na masa yina yandi nataka na nkalu.

“Na kutubaka na nzila ya muntu yina vandaka na talatala, ‘nkaka ya bakala’ tubaka nde ntoto yina kele ya dibuta na beto. Yandi tubaka na nkaka na mono ya nkento nde yandi fwana sadila ntoto yina kukonda wonga. Dibuta yankaka yina ndimaka lukanu yango. Mpidina dyambu yina kusukaka.”

 Nkenda ya Mpidyai Ke Mingi N’afrika ya Weste. Na Nzyunga Yina Ya Nza, Bonso Na Banzyunga Yankaka, Bamilyo Ya Bantu Kekwikilaka Nde Bafwa Ke Na Nsi Ya Bampeve, Mpi Nde Kuna Bau Lenda Tala Mpi Kuvanda Na Bupusi Na Luzingu Ya Bantu Ya Ke Na Kuzinga Awa Na Ntoto. Keti Yau Ke Kyeleka? Keti Bafwa Ke Na Kuzinga Sika Yankaka? Kana Nde Ve, Banani Yina Ketuba Nde Bau Ke Bampeve Ya Bafwa? Yau Ke Dyambu Mosi Ya Mfunu Na Kuzaba Mvutu Na Bangyufula Yai. Luzingu Na Beto Metadilama.