KITINI 2
Kisalu ya Kusamuna Kimfumu—Kumwanga Nsangu ya Mbote na Ntoto ya Mvimba
YO KELE kilumbu na nge ya konzie, nge ke yilama sambu na kisalu ya kusamuna. Nge ke zo basika kansi nitu ke zola ve. Nzala nde nge pema ka nge, mwa mpongi ya suka ta sala nge mbote na nitu! Kansi, na nima ya kusala kisambu, nge me baka lukanu ya kubasika na kisalu ya kusamuna. Nge ke samuna ti mpangi-nkento mosi ya mununu mpi ya kwikama. Kukanga-ntima mpi ntima na yandi ya mbote me simba ntima na nge. Ntangu beno ke samuna nsangu ya kieleka nzo na nzo, nge me yibuka nde bampangi na nge ya babakala mpi ya bankento na ntoto ya mvimba ke samuna nsangu yina mosi ya kieleka, bo ke sadila mikanda ya beno ke sadila, mpi ke baka malongi ya mutindu mosi. Ntangu nge me vutuka na nzo, nge ke wa nitu kikesa. Nge me sepela mingi kibeni mutindu nge bikalaka ve na nzo!
Bubu yai, kisalu ya kusamuna yina Bakristu ke salaka kele kisalu ya ntete ya Kimfumu ya Nzambi. Yezu tubaka na ntwala nde, na bilumbu ya nsuka, bo ta sala kisalu ya kusamuna na ntoto ya mvimba. (Mat. 24:14) Inki mutindu mbikudulu yai me lunganaka? Na kitini yai beto ta tadila bantu, mitindu, mpi bisadilu yina vandaka mfunu na kisalu ya kusamuna, mpi yina ke sadisa bamilio ya bantu na ntoto ya mvimba na kumona nde Kimfumu ya Nzambi kele kima mosi ya kieleka.
NA KITINI YAI
KAPU 6
Bantu Yina Ke Samunaka—Bansamuni Ke Kudipesa na Luzolo na Bo Mosi
Sambu na nki Yezu vandaka ti kivuvu nde yandi ta vanda ti bansamuni yina kele bonso basoda mpi ya ke kudipesa na luzolo yonso na bilumbu ya nsuka? Inki mutindu nge lenda monisa nde nge ke sosaka ntete Kimfumu?
KAPU 7
Mitindu ya Kusamuna—Kusadila Mitindu Yonso Sambu na Kusolula ti Bantu
Sosa kuzaba bametode ya mpa yina bansadi ya Nzambi me sadilaka sambu na kuzabisa bantu mingi nsangu ya mbote na ntwala nde nsuka kukwisa.
KAPU 8
Bisadilu Sambu na Kusamuna—Kubasisa Mikanda Sambu na Kisalu ya Kusamuna na Ntoto ya Mvimba
Inki mutindu kisalu na beto ya kubalula mikanda ke monisaka nde Yezu ke sadisaka beto? Inki mambu ya me tala mikanda na beto ke ndimisa nge nde Kimfumu kele kima mosi ya kieleka?
KAPU 9
Mbuma Yina Kisalu ya Kusamuna Ke Butaka—“Bilanga . . . Me Tela Sambu na Kukatula Bambuma”
Yezu pesaka balongoki na yandi malongi zole ya mfunu sambu na kisalu ya nene ya kukatula bambuma ya kimpeve. Inki mutindu yo ke tadila beto bubu yai?
