BAMBIKUDULU zole ya ke wakana lunganaka na mvu 1919: mosi ke tubila “mikwa ya kuyuma,” mpi ya nkaka ke tubila ‘bambangi zole.’ Mbona-meso ya “mikwa ya kuyuma” tubilaka na ntwala nsungi mosi ya nda kibeni (disongidila nsungi ya bamvula mingi) yina sukaka ntangu kimvuka mosi ya nene ya bansadi ya Nzambi vutukaka na luzingu. (Ezek. 37:2-4; Kus. 11:1-3, 7-13) Mbikudulu ya ‘bambangi zole’ ke monisa nsungi mosi ya nkufi (yo lunganaka banda na nsuka ya mvu 1914 tii na luyantiku ya mvu 1919) yina sukaka ntangu kimvuka mosi ya fioti ya bansadi ya Nzambi vutukaka na luzingu. Bambikudulu yai zole tubilaka lufutumuku mosi ya kifwani, mpi yo zole lunganaka na bilumbu na beto na 1919 ntangu Yehowa sadisaka bansadi na yandi yina bo me tulaka mafuta na “kutelama,” na kubasika na kimpika na Babilone ya Nene, mpi na kuvukana na dibundu na yandi.—Ezek. 37:10.

Kansi, kuvila ve nde kulungana ya bambikudulu yai zole ke swaswana kibeni. Mbikudulu ya “mikwa ya kuyuma” ke tubila ntangu yina Bakristu yonso ya bo me tulaka mafuta yina me bikalaka vutukaka na luzingu. Kansi, mbikudulu ya ‘bambangi zole’ ke tubila ntangu yina Bakristu ya nkaka ya bo me tulaka mafuta ya me bikalaka vutukaka na luzingu, disongidila Bakristu yina vandaka kutwadisa organizasio mpi yina bo tulaka bonso “mpika ya kwikama mpi ya mayele.”—Mat. 24:45; Kus. 11:6. *

1. NA NIMA YA 100 T.B.

   Banda na mvu-nkama ya zole T.B. mpi na nima ntangu dibundu ya Bakristu ya bo me tulaka mafuta fwaka na mutindu ya kifwani, “muwanda” vandaka ya kufuluka ti “mikwa”

2. LUYANTIKU YA 1919

   1919: “Mikwa ya kuyuma” vutukaka na luzingu ntangu Yehowa sadisaka Bakristu yonso ya bo me tulaka mafuta na kubasika na Babilone ya Nene mpi na kuvukana na dibundu na yandi

1. NSUKA YA 1914

   bo ke longa ntangu bo me lwata “basaki”

   1914: ‘Bambangi zole’ longaka bamvula tatu ti ndambu, bo me lwata “basaki.” Na nsuka ya nsungi yina, bo fwaka bo na mutindu ya kifwani

2. lufwa ya kifwani

3. LUYANTIKU YA 1919

   1919: ‘Bambangi zole’ vutukaka na luzingu ntangu kimvuka mosi ya fioti ya bampangi yina bo me tulaka mafuta yantikaka kutwadisa organizasio mpi ntangu bo tulaka bo bonso “mpika ya kwikama mpi ya mayele”