Bangogo ya Luyantiku ya Kitini 7
Kitini yai ke tubila disolo ya luzingu ya ntotila Saule mpi ya ntotila Davidi; yo ke tubila bamvula kiteso ya 80. Na luyantiku, Saule vandaka ya kudikulumusa mpi kutina Nzambi boma, kansi ntangu fioti na nima yandi sobaka mpi buyaka kulanda lutwadisu ya Yehowa. Yehowa buyaka yandi mpi na nima, yandi songaka Samuele na kutula Davidi mafuta sambu yandi vanda ntotila ya zole ya Izraele. Saule yina vandaka ti kimpala sosaka mbala mingi na kufwa Davidi, kansi Davidi vutulaka ve mbi na mbi ata mbala mosi. Yonatani, mwana ya Saule zabaka nde Yehowa muntu solaka Davidi, yo yina yandi vandaka ya kwikama na Davidi. Davidi salaka masumu ya nene, kansi yandi buyaka ve disipline ya Yehowa. Kana nge kele kibuti, sadisa mwana na nge na kubakisa mfunu ya kuzitisa bangidika ya Nzambi.
NA KITINI YAI
Ntotila ya Ntete ya Izraele
Nzambi pesaka bantu ya Izraele bazuzi sambu na kutwadisa bo, kansi bo vandaka kuzola ntotila. Samuele tulaka Saule mafuta sambu na kuvanda ntotila ya ntete, kansi na nima Yehowa buyaka Saule. Sambu na nki?
Davidi ti Goliati
Yehowa me pona Davidi na kuvanda ntotila ya zole ya Izraele, mpi Davidi me monisa sambu na nki yandi kele nsola Longuka mambu ya me tala baleke, baprofete, mpi bantotila yina vandaka ti lukwikilu ya ngolo na Yehowa Nzambi ya mbote.
Davidi mpi Saule
Sambu na nki muntu mosi na kati ya bantu yai ke menga muntu yina ya nkaka, mpi nki mutindu muntu yina bo ke menga ke sala mambu?
Yonatani Vandaka Kikesa mpi ya Kwikama
Mwana ya ntotila kumaka nduku ya mbote ya Davidi.
Disumu ya Ntotila Davidi
Desizio ya mbi ke nataka bampasi mingi.
