Kamukanda ya Ke Monisa Bakarti ya Bisika Yina Biblia Ke Tubila
Kamukanda “Voyez le bon pays” kele kamukanda yina ke monisaka bakarti ya bisika yina Biblia ke tubilaka mpi yo kele ti mambu mingi ya fioti-fioti. Nge lenda sadila yo ntangu nge ke sala kulonguka na nge mosi ya Biblia. Yo ta sadisa nge na kutadila masolo ya Biblia na mudindu. Biblia ke tubilaka bisika, bambanza mpi bansi ya mutindu na mutindu. Kana nge ke sadila kamukanda yai ya ke monisa bakarti ya bisika yina Biblia ke tubilaka ntangu nge ke tanga Biblia mpi nge ke longuka yo, yo ta sadisa nge na kumona na mabanza mutindu mambu salamaka. Yo ta sadisa nge mpi na kuzaba kibeni mutindu bisika yina Biblia ke tubilaka vandaka ti bupusi na masolo yina Biblia ke tubilaka.
Na kamukanda “Voyez le bon pays,” nge ta mona bakarti mpi tablo ya kele ti mikubu. Bakarti mpi batablo yango ke monisaka bisika ya mutindu na mutindu yina Biblia ke tubilaka. Badiagrame, bifwanisu ya ke tubila mambu na bunkufi mpi mambu mingi ya nkaka ya kele na kamukanda yai ta sadisa nge na kusepela ti kulonguka na nge mosi.
Kamukanda yai ta sadisa nge na:
kuzaba banzietelo yina Abrahami, Izaki mpi Yakobi salaka
kumona na mabanza nzila yina bantu ya Izraele tambulaka ntangu bo katukaka na Ezipte sambu na kukwenda na Ntoto ya Lusilu
kuzaba kisika Izraele vandaka mpi babwala yina bambeni na bo vandaka
kumona babwala yina Yezu tambulaka ntangu yandi vandaka kulonga nsangu ya mbote
kuzaba mbote-mbote nene ya bateritware ya baluyalu yina Biblia me tubilaka mu mbandu, Babilone, Grèce mpi Roma
Nge lenda baka ya ofele kamukanda yai ya Ke Monisa Bakarti ya Bisika Yina Biblia Ke Tubila na BIBLIOTHÈQUE EN LIGNE Watchtower.
Nge Lenda Sepela Mpi Ti
BISADILU YA KULONGUKA BIBLIA
Mukanda Étude perspicace
Mukanda Étude perspicace des Écritures kele ti bantu-diambu mingi ya ke tubilaka mambu ya fioti-fioti na masolo ya tubilaka bantu, bisika, tubanti, bambisi, mambu ya mfunu ya me salamaka mpi bangogo ya kifwani ya kele na Biblia. Kana nge baka mukanda yai na Internet, nge ta mona nde yo kele ti bakarti, bafoto, bifwanisu, masolo mpi index ya baverse.
BISADILU YA KULONGUKA BIBLIA
Nsangu ya Biblia na Bunkufi
Kamukanda Inki Kele Nsangu ya Biblia ke tubila na mutindu ya mbote mpi na bunkufi nsangu ya kele na Biblia mpi yo ke benda dikebi na ntu-diambu ya Biblia.