Ẽg tỹ mũn kỹ, ẽg tỹ nén ũ há ag vigve tĩ. Ẽg tỹ nén ũ jagy kato vãsãnsãn nỹtĩ, ge ra ẽg tỹ mỹ sĩgsér nỹtĩ. Kỹ ẽg hã ren kỹ vẽnh ki rĩr há han ke mũ? Kar ne tugnĩn ẽg mỹ há nĩ, ẽg tỹ ge han kỹ?

1. Ẽg ne tugnĩn vẽnh ki rĩr há kenh ke nỹtĩ?

Ẽg tỹ rĩnrĩr nỹtĩ, ẽg Panh Jeová tóg ẽg mỹ tag nĩm mũ tugnĩn. Jeová “hã ki ẽg tóg rĩnrĩr nỹtĩ”. (Salmo 36:9) “Vẽnh kar rĩn tóg nĩgtĩ, kỹ tóg vẽnh kar tỹ hãmhãm ke han tĩ. Vẽnh kar tỹ nén ve sór mũ kar nĩm tóg tĩ”. (Han kãme 17:25, 28) Vẽnh rá tag vỹ ẽg mỹ ven tĩ, Jeová tỹ nén kar ẽg mỹ vin tĩ, ẽg tỹ rĩnrĩr hã ki mũnh jé. Jeová tỹ ẽg ajũna ke tĩ, ẽg tỹ mỹ sĩgsér nỹtĩ jé. — Han kãme 14:17 le kem nĩ.

2. Ẽg hã ren kỹ Jeová mỹ ven ke mũ, ẽg tỹ vẽnh ki rĩr há han mũ?

Kejẽn, Davi tóg Topẽ mỹ: “Inh mur to hã ã tóg inh ve,” ke mũ. (Salmo 139:16) Tag vỹ ẽg mỹ ven tĩ, ã tỹ ver ã mỹnh fi nug ke nĩn kỹ, Jeová tỹ ã ve tĩ huri, Jeová vỹ ã to há nĩ. (Mateus 10:29-31 le kem nĩ.) Tag tugnĩn ũn tỹ ũn tén kỹ, ke tũ nĩn kỹ ũn tỹ vẽsén kỹ, Jeová mỹ jagy ti. (Êxodo 20:13) a (Ha vé vẽnh rá sĩ ti.)

 VẼNH KANHRÃN KÃFÓR NĨ

3. Ã saúde vẽnh ki rĩrm nĩ

Ẽg tỹ Jeová mỹ rãnhrãj nỹtĩ, ẽg tóg ti mỹ vẽnh fẽg mũ, ẽg tỹ ti mỹ nén ũ pũn ri ke nĩ, ẽg tỹ ti mỹ vẽnh fẽg kỹ. Roma 12:1, 2 le kem nĩ. Kar jagnẽ mré vẽmén nĩ, nén ũ tag ag to:

• Vẽnh rá tag ki, ã ne tugnĩn ã saúde ki rĩr há ke nĩ?

• Ã hã ren kỹ tag han ke mũ?

 5. Ũn gĩr sĩ tỹ ti mỹnh fi nug kã kã nĩ, kỹ ki rĩrm nĩ

Davi vỹ kãmén mũ, ũn gĩr sĩ tỹ mur tũ ke, Jeová tỹ ũn gĩr sĩ ãn to kanã jur tĩ. Salmo 139:13-17 le kem nĩ. Kar jagnẽ mré vẽmén nĩ, tag to:

• Jeová mỹ ũn gĩr sĩ tỹ ti mỹnh fi nug kã kã nĩn kỹ ti mỹ rĩnrĩr vỹ ke tũ nĩn kỹ, ti tỹ mur ke kar ti tỹ rĩnrĩr mũ?

Vãsỹ Jeová vỹ Israel krẽ ag mỹ, ti jyvãn mũ, kar ti tỹ mỹnh fi tỹ rĩr tĩ kar fi kósin tỹ fi nug kã kã nĩ ãn tỹ rĩr tĩ gé. Êxodo 21:22, 23 le kem nĩ. Kar jagnẽ mré vẽmén nĩ, nén ũ tag ag to:

• Ũn ag tỹ jagnã rárá kỹ, ag kã ki ũn tỹtá kufy fi rỹnh kỹ, fi tỹ fi kósĩn fón kỹ, Jeová ne ãkrén tĩ, tag to?

• Hẽn ri ke mũn, ũn tỹ fi kósĩn fón sór tĩ, Jeová ne tag to ãkrén tĩ? b — Ha vé vẽnh rá sĩ ti.

• Ã ne Topẽ vẽjykre tag to jykrén tĩ?

Ha vé VÍDEO ti.

Kejẽn ũn fi tỹ vẽnh ki rĩr tĩ, hã ra fi jykre ki, fi tỹ fi kósin fón ke nĩ. Isaías 41:10 le kem nĩ. Kar jagnẽ mré vẽmén nĩ, nén ũ tag ag to:

• Ũn tỹ ũn fi tỹ fi kósĩn fón ve sór nĩ kỹ, ũ ne fi ajũna kenh mũ? Mỹ ne tugnĩn?

 Ã NE KANHRÃN JA TI

Jeová tỹ ẽg han ja, hã kỹ ẽg tóg rĩnrĩr nỹtĩ, ti tugrĩn. Tag tugnĩn, ẽg tỹ vẽnh ki rĩr ke nỹtĩ, kar ẽg tỹ ũn ag ki rĩr há han ke nỹtĩ gé.

Jykrinkrén mũ

• Jeová ne tugnĩn ẽg tỹ vẽnh ki rĩr kar ũn ag ki rĩr há han ve sór tĩ?

• Jeová ne ãkrén tĩ, ũn tỹ ũn tén kỹ, ke tũ nĩ kỹ ũn tỹ vẽsén kỹ?

• Ã ne tugnĩn vẽnh ki rĩr há ke nĩ?