Cristo mré ke pẽ ag vỹ vãsãnsãn nỹtĩ, ũn pi tỹ ag to krój ke nỹtĩ jé, Jeová to. Ã tỹ tag to jykrén tĩ mỹr. Ã tỹ Jeová to há ven kỹ, ti tỹ tag to há nĩ. (1 Crônicas 28:9 le kem nĩ.) Nén ũ ag tỹ ne ã krĩn kónãn sór tĩ, ã tỹ Jeová to krój ke jé, kar ã hã ri ken kỹ nén ũ ag vẽnh pãtá rãg há han ke mũ?

1. Ũn ag hã ren kỹ ẽg krĩn kónãn sór tĩ, ẽg tỹ Jeová to krój ke jé?

Ũn ag vỹ ẽg mỹ krĩn kónãn sór tĩ, ẽg tỹ Jeová mỹ rãnhrãj krỹg ke jé. Ũn tỹ ne nỹ tag han tĩ? Ũn ag tỹ Jeová tovãnh ti, kar ag tỹ Jeová Kãmén Fã ag to unꞌón tĩ, kar ag tỹ krój ke tĩ sir. Ag tỹ ge han tĩ, ag tỹ ẽg tỹ Topẽ kri fi mũ ti kókén jé. Ẽg tỹ ag to: ‘apóstata ag’, ke tĩ. Kar sir, religião to pãꞌi ũn ag Jeová Kãmén Fã ag to unꞌón tĩ gé, ũn ag tỹ Jeová Kãmén Fã ag to krój ke jé. Ẽg mỹ kórég han tĩ, ẽg tỹ ag mré vãmén kỹ, ag livro le ken kỹ, ke tũ nĩn kỹ ag blogs, ag site ag ve kỹ, ke tũ nĩn kỹ ag vídeo ve kỹ. Jesus vỹ tó ja, ũn tỹ Jeová mỹ rãnhrãj tĩ krỹg ke sór tĩ ag to: “Hã kỹ ag to jykrén tũg nĩ. Ũn kyvó ag mỹ ag tóg: ‘sỹ ã jãmĩ tĩg ke vẽ,’ he tĩ, hã ra ag tóg ag kóm kyvó nỹtĩ gé, kỹ ũn kyvó tỹ ũn kyvó jãmĩ tĩg kỹ ag tóg kãgnó ki vár kãn ke mũ.” — Mateus 15:14.

Jo, ẽg mré ke tỹ Jeová Kãmén Fã ag tovãnh sór kỹ, ẽg ne han ke nỹtĩ? Ũn tỹ ẽg to há nĩ tỹ tag han kỹ, ẽg tỹ fe krój gy nỹtĩ. Kejẽn, ti tỹ ẽg krĩn kónãn sór tĩ, ẽg tỹ vẽnh kuprẽg han jé, ẽg tỹ ti mré há hã ki tĩ jé, ke tũ nĩn kỹ Jeová mré há hã ki tĩ jé. Ẽg tỹ vãsãnsãn ke nỹtĩ, ẽg tỹ Jeová tãvĩn to jykre pir hã ki mũ jé. (Mateus 10:37) Tag tugnĩn, ẽg tỹ Jeová vĩ jẽmẽ há han tĩ, ẽg pi ũn ẽn ag mré nỹtĩ, ke tũ nĩn kỹ ag mré vĩ tĩ. —  1 Corinto 5:11 le kem nĩ.

2. Ẽg tỹ nén ũ ag kuprãg kỹ, tag hã ren kỹ ven tĩ, ẽg tỹ Jeová to jykre pir nỹtĩ?

Ẽg tỹ Jeová to há nỹtĩn kỹ, ẽg pi ón kỹ religião mré nỹtĩ, kar eg pi ón kỹ religião to nén ũ ag hyn han tĩ. Nén ũ ãn kãmĩ, ẽg rãnhrãj tĩ, ke tũ nĩn kỹ nén ũꞌũ ti. Jeová tỹ ẽg mỹ ke tĩ: ‘mũ jé ha. Babilônia tá kãpam nĩ.’ — Nén venh ke 18:2, 4.

 VẼNH KANHRÃN KÃFÓR NĨ

3. Vẽnh ki rĩrm nĩ, ũn tỹ unꞌón kanhrãn tĩ ag to

Ẽg ne han ke nỹtĩ, ũn ag tỹ Jeová Kãmén Fã ag to vĩ kónãn kỹ? Provérbios 14:15 le kem nĩ. Kar jagnẽ mré vẽmén nĩ, tag to:

• Ẽg ne tugnĩn vẽnh ki rĩr ke nỹtĩ, ẽg pi nén kar to: “há ti nĩ”, ke jé?

2 João 10 le kem nĩ. Kar jagnẽ mré vẽmén nĩ, nén ũ tag ag to:

• Ũn tỹ Jeová Kãmén Fã ag tovãnh ja vỹ ẽg mré nỹtĩ han sór kỹ, ẽg ne han ke nỹtĩ?

• Ki kanhró ẽg tỹ nỹtĩ, ẽg tỹ ũn tỹ Jeová Kãmén Fã tovãnh ja mré vẽmén kỹ, tag pi tỹ há nĩ. Hã ra, ne nỹ ẽg krĩn kónãn tĩ, ẽg tỹ ag jykre mĩ mũ jé?

• Ã hã mỹ, ẽg tỹ ũn tỹ Jeová to kar Jeová Kãmén Fã to vĩ kónãn tĩ jẽmẽn kỹ, Jeová ne tag to ãkrén tĩ?

4. Ũn tỹ Topẽ vĩ mranh jagy han kỹ, ge ra Topẽ to jykre pir hã ki tĩm nĩ

Ũn tỹ Topẽ vĩ mranh jagy han kỹ, kar ẽg tag ki kanhrãn nỹtĩ, ẽg ne han ke nỹtĩ? Ha vé, Jeová tỹ Israel povo tó ja to. Levítico 5:1 le kem nĩ.

Vẽnh rá tag ẽg mỹ ven tĩ, ẽg tỹ ki kanhrãn tĩ, ũn tỹ Topẽ vĩ mranh jagy han ja, ẽg tỹ congregação to kófa ag tag to kãmén ke nỹtĩ. Hã ra, ẽg tỹ ũn tỹ kygnẽ mág han ja ẽn mré vẽmén vén ke nĩ, ti tỹ congregação to kófa ag ti kygnẽ ja to mré vẽmén jé. Kar sir, ti pi ge han kỹ, ẽg tỹ congregação to kófa ag tag to kãmén ke mũ, ẽg tỹ Jeová to jykre pir nỹtĩ, tugnĩn. Ẽg tỹ ge han kỹ, tag hã ren kỹ ẽg to há ven tĩ . . .

• Topẽ tỹ Jeová to?

• ũn tỹ Topẽ vĩ mranh jagy han ja to?

• régre kar ag to?

 5. Babilônia Mág kuvar há nĩm nĩ

 Ã NE KANHRÃN JA TI

Ẽg tỹ Jeová to jykre pir hã ki mũ sór tĩ, tag tugnĩn ẽg tỹ ũn tỹ ti tovãnh ja ag to ranh ke nỹtĩ. Kar sir, ẽg tỹ ón kỹ religião kãpa ke nỹtĩ gé.

Jykrinkrén mũ

• Ũn tỹ Jeová Kãmén Fã tovãnh ja ag ẽg pi ag livro le ke tĩ, ke tũ nĩn kỹ ag blog ag, ag site ag ve kỹ, ke tũ nĩn kỹ ag vídeo ven tĩ. Mỹ ne tugnĩn?

• Ũn tỹ Jeová Kãmén Fã tovãnh ja ag vỹ ẽg mré nỹtĩ han sór kỹ, ẽg ne han ke nỹtĩ?

• Jeová ẽg mỹ tó, ẽg tỹ ón religião tovãnh jé. Ẽg hã ren kỹ vĩ tag jẽmẽ há han tĩ?