LIÇÃO 60
Jeová mré há hã ki tĩm nĩ
Ẽg tỹ livro tag to kanhrãnrãn kỹ, ã tỹ Jeová to kanhrãn kãfór ja. Ã tỹ nén kanhrãn ja ẽn ag vỹ ã ajũna ke tĩ, ã tỹ Jeová to há kãfór jé. Kejẽn, ã tỹ Jeová mỹ vẽnh fẽg kar vẽnh kype mũ. Hã ra, ã tỹ ge han tũ nĩ ver, hẽn ri ke mũn, ã tỹ tag to ãkrén tĩ, ã tỹ tag han jé. Hã ra, ã tỹ vẽnh kype kỹ, ã tỹ to vãsãn hã ki tĩ ke nĩ, ã tỹ Jeová mré há hã ki tĩ jé. Hã ren kỹ sir?
1. Ã ne tugnĩn Jeová mré há mũ ti tar han ke nĩ?
Ẽg tỹ vãsãnsãn ke nỹtĩ, ẽg tỹ Jeová mré há hã ki mũnh jé. Mỹ ne tugnĩn? “Ẽg tỹ tỹ prãnh ke tũ nĩ jé”, ke tũ nĩ mũ ra, ẽg pi Jeová to krój ke. (Hebreu 2:1) Ne nỹ ẽg ajũna ke tĩ, ẽg tỹ Jeová mỹ rãnhrãj há han hã ki mũ jé? Ẽg tỹ Topẽ vĩ to kãmén hã ki mũ ke nỹtĩ kar ẽg tỹ nén ũꞌũ han ke nỹtĩ, ẽg tỹ Jeová mỹ rãnhrãj kãfór han jé. (Filipos 3:16 le kem nĩ.) Ẽg tỹ Jeová mỹ rãnhrãj kỹ, tag tỹ tỹ nén ũ há kãfór nĩ ẽg mỹ! — Salmo 84:10.
2. Nén ũꞌũ tỹ ne ã tỹ han ke nĩ gé?
à tỹ livro tag tugnỹm kãn tĩ, ge ra ã tỹ Jeová mỹ rãnhrãj hã ki tĩnh mũ. Topẽ Vĩ Rá vỹ ẽg mỹ ke tĩ, ẽg tỹ ‘vẽjykre tãg hã han sór nĩ jé’, ẽg tỹ Jeová jykre mĩ mũn ke nỹtĩ. (Éfeso 4:23, 24) Ẽg tỹ ge han jé, ẽg tỹ Topẽ Vĩ Rá to kanhrãn hã ki nỹtĩ, kar vẽnhmãn ag ra mũ gé. Ẽg tỹ Jeová to nén ũ tãg ki kanhrãn nỹtĩn kỹ, kar ẽg tỹ ẽg vẽjykre kórég ki han kỹ, ẽg tỹ ẽg Jóg tỹ Jeová mỹ sér han tĩ.
3. Jeová hã ri ken kỹ ã ajũna ke tĩ, ã tỹ ti mré há kãfór jé?
Topẽ Vĩ Rá vỹ tó: “Topẽ vỹ ãjag tỹ ũn há tãvĩ han ke mũ, ãjag tỹ kygnẽ mãn tũ nĩ jé. Ti hã vỹ ẽg tar han tĩ, ẽg tỹ ti to krónh ke tũ nĩ jé.” (1 Pedro 5:10) Ũn ag tỹ ẽg krĩn kónãn sór tĩ, hã ra Jeová ẽg ajũna ke tĩ, ẽg tỹ ti to jykre pir hã ki mũ jé. (Salmo 139:23, 24) Jeová hã ne tóg ã krĩ há han tĩ, ã tỹ ti mỹ rãnhrãj há han hã ki tĩ jé. — Filipos 2:13 le kem nĩ.
VẼNH KANHRÃN KÃFÓR NĨ
Ha vé, ã ne han ke nĩ ti, ã tỹ Jeová mré há kãfór jé kar ti tỹ ã ve há han jé.
4. Ã amigo pẽ mré vĩ hã ki tĩm nĩ
à tỹ Topẽ mré vĩ kỹ, kar ã tỹ Topẽ Vĩ Rá to kanhrãn kỹ, tag vỹ ã ajũna ke tĩ, ã tỹ Jeová mré há jé. Hã ra, nén ũ tag ag hã ri ken kỹ ã ajũna ke tĩ, ã tỹ ti mré há kãfór jé?
Salmo 62:8 le kem nĩ. Kar jagnẽ mré vẽmén nĩ, tag to:
-
à ne han ke nĩ, ã tỹ Jeová mré vĩn kỹ, ã tỹ Jeová mré há kãfór jé?
Salmo 1:2 le kem nĩ. Kar jagnẽ mré vẽmén nĩ, tag to:
-
à ne han ke nĩ, ã tỹ Topẽ Vĩ Rá le ken kỹ, ã tỹ Jeová mré há kãfór jé?
à ne han ke nĩ, ã tỹ pir mỹ nĩ Topẽ Vĩ Rá to kanhrãn kỹ, ã tỹ Jeová mré há kãfór jé? à tỹ tag to kanhrãn kãfór jé, ha vé VÍDEO ti. Kar jagnẽ mré vẽmén nĩ, nén ũ tag ag to:
-
Vídeo ri ke nĩ, ã ne han sór tĩ?
-
Nén ũ ag tỹ ne ã tỹ to kanhrãn sór tĩ?
5. Jeová mỹ rãnhrãj kãfór sórm nĩ
à tỹ Jeová mỹ rãnhrãj kãfór sór kỹ, tag vỹ ã ajũna ke tĩ, ã tỹ ti mré há kãfór jé. Ha vé VÍDEO ti. Kar jagnẽ mré vẽmén nĩ, tag to:
-
Cameron ne tugnĩn fi mỹ há han ke, fi tỹ Jeová mỹ rãnhrãj kãfór han sór kỹ?
Vẽnh kar pi país ũ ra mũ mũ, ag tỹ Topẽ vĩ to kãmén jé. Hã ra, vẽnh kar tỹ Jeová mỹ rãnhrãj kãfór han ke mũ. Provérbios 21:5 le kem nĩ. Kar jagnẽ mré vẽmén nĩ, ã ne han sór tĩ, ã tỹ Jeová mỹ rãnhrãj kãfór jé . . .
-
congregação ki.
-
ã tỹ Topẽ vĩ to kãmén kỹ.
Vẽnh rá tag hã ri ken kỹ ã ajũna ke tĩ, ã tỹ Jeová mỹ vẽnh rãnhrãj ẽn han jé?
Nén ũꞌũ ã tỹ hyn han jé
-
à tỹ Jeová mré vĩn kỹ, mré vẽmén há han jé.
-
Bíblia to le ke kãn.
-
Congregação ki, régre ag kar régre fag ki kanhrãn há han jé.
-
Ũn kanhrãn nĩ, Topẽ Vĩ Rá to.
-
Vẽsỹ ũ pioneiro auxiliar ke tũ nĩn kỹ pioneiro regular han jé.
-
à tỹ tỹ régre nĩn kỹ, vãsãn nĩ, ã tỹ vẽsỹ congregação to kófa ag mré rãnhrãj fã han jé.
6. Kurã kar ki mỹ sér nĩ!
Salmo 22:26 kar 1 João 2:25 le kem nĩ. Kar jagnẽ mré vẽmén nĩ, tag to:
-
à ne han ke nĩ, ã tỹ kurã kar ki mỹ sér nĩ jé?
à NE KANHRÃN JA TI
Jeová mré há hã ki tĩm nĩ kar Jeová mỹ rãnhrãj kãfór sórm nĩ. Kỹ ã tỹ kurã kar ki mỹ sér nĩnh mũ!
Jykrinkrén mũ
-
à hã ren kỹ ki kanhrãn nĩ, Jeová vỹ ã ajũna kenh ke mũ, ã tỹ ti mỹ rãnhrãj jé?
-
à ne han ke nĩ, ã tỹ Jeová mré há kãfór jé?
-
à tỹ Jeová mỹ rãnhrãj kãfór sór kỹ, tag hã ren kỹ ã tỹ Jeová mré há kãfór han ke mũ?
VẼNH KANHRÃN KÃFÓR MŨ
Jeová ne to há kãfór nĩ: nén ũ tỹ hã ri ken kỹ ũn tỹ ti kri fi tĩ, ke tũ nĩn kỹ ũn tỹ kurã kar ki ti to jykre pir nĩn kỹ?
Kejẽn, ũn tỹ Jeová mỹ rãnhrãj tĩ vỹ fe krój nĩ. Ha vé ti hã ri ken kỹ mỹ sér mãn mũ ti.
à tỹ Topẽ Vĩ Rá le ken kỹ kar ti to jykrén há han kỹ, ã tỹ mỹ sér nĩnh mũ (5:25)
à ne han ke nĩ, ã tỹ Jeová mỹ rãnhrãj kãfór sór jé, kar ã tỹ ag hyn han jé?
“Jeová mỹ rãnhrãj kãfór sórm nĩ, ã tỹ ti mỹ há han jé” (A Sentinela, 15 tỹ julho tỹ 2004)
Ne tugnĩn ã mỹ há nĩ, ã tỹ Topẽ vĩ ki mog kỹ? Hã ri ken kỹ ge han tĩ?
“Topẽ Vĩ Rá ki mog nĩm nĩ ‘Jeová kurã vỹ kakó tĩ ha’” (A Sentinela, 15 tỹ maio tỹ 2009)
