LIÇÃO 02
Topẽ Vĩ Rá vỹ ẽg mỹ nén ũ há ag to kãmén tĩ
Ẽmã kar ki, ũn ag tỹ vẽsỹrinhrénh tĩ. Hã tugnĩn, ũn ag tỹ fe krój gy nỹtĩ, nén ũ vẽnh mỹ to krĩ kufy gy kar vẽnh kaga mré hã. Tag mỹ ã mỹ hãn ri ke, huri? Hẽn ri ke mũn, ã tỹ vẽsỹrénh nĩ, ã tỹ kaga nĩn kỹ, ke tũ nĩn kỹ ã ũn to há tỹ ter ke tugnĩn. Hẽn ri ke mũn ã tỹ vẽnh ki jẽmẽg tĩ: ‘Kejãn nén ag mỹ há kenh ke mũ hãn?’ Topẽ Vĩ Rá vỹ tag to kãmén tĩ, tag vỹ ã mỹ há nĩnh mũ.
1. Topẽ Vĩ Rá tỹ nén ũ há ag tỹ ne to kãmén tĩ, ẽg mỹ?
Topẽ Vĩ Rá vỹ ẽg mỹ kãmén tĩ, ne tugnĩn nén ũ kórég e ag vỹ nỹtĩ ti, ga ki. Hã ra ti vỹ ẽg mỹ vẽnh vĩ sér to kãmén tĩ gé: kãnhmar nén ũ kórég kar vỹ tũꞌ kenh ke mũ mỹr. Topẽ Vĩ Rá tỹ nén tó tĩ ag vỹ ẽg mỹ ven tĩ, ‘Topẽ tỹ, ẽg Senhor tỹ ẽg mỹ nén ũ há han ke mũ’ ag ti. (Salmo 130:5 le kem nĩ.) Ag vỹ ẽg ajũna ke tĩ, ẽg tỹ nén ũ kórég ag vẽnh pãtá rãg há han jé, kar ẽg tỹ nén ũ há to jykrén nỹtĩ jé. Topẽ Vĩ Rá tỹ nén tó tĩ ag vỹ ẽg tar han tĩ. Ẽg tỹ ũri mỹ há nỹtĩ jé, kar ẽg tỹ mỹ há nỹtĩ hã ki mũ jé.
2. Topẽ Vĩ Rá ne ẽg mỹ kãmén tĩ, nén ũ tỹ hãn ri kenh ke mũ ag to?
Topẽ Vĩ Rá vỹ ẽg mỹ ke tĩ, kejẽn ũn ‘ag kanẽ var tỹ tũꞌ he kãn jé tóg ke mũ, ũ tóg ter mãn ke tũ pẽ nĩ, ũ tóg fe kaj nĩ mãn ke tũ nĩ, jagtar ke tũ, kaganh ke tũ’. (Nén venh ke [Apocalipse] 21:4 le kem nĩ.) Ũri ũn ag tỹ vẽsỹrinrénh tĩ, ũn e ag pi vãjãn nỹtĩ, ẽprã ke pãꞋĩ ag pi ũn ag tỹ rĩr há han tĩ, ũn ag tỹ vẽnh kaga nỹtĩ, kar ũn ag tỹ kãgter tĩ gé. Hã ra nén ũ kórég tag ag vỹ tũꞌ kenh ke mũ mỹr. Topẽ Vĩ Rá vỹ ẽg mỹ ke tĩ, Ga Há ki, ga ki, ũn pi hã re kã kãgter mãn ke mũ, kar ag tỹ mỹ há pẽ nỹtĩnh ke mũ gé.
3. Ã hã ren kỹ ki kanhró nĩnh mũ, Topẽ Vĩ Rá tỹ nén tó tĩ tỹ hãn ri kenh ke mũ mỹr?
Ũn ag tỹ nén ũ kórég ag tỹ hághá ke mũ vigve sór tĩ, ga ki. Hã ra ag pi ki kanhró nỹtĩ, nén ũ ag tỹ hághá kenh ke mũ, ke tũ nĩn kỹ vaꞌ. Hã ra Topẽ Vĩ Rá vỹ tỹ ũꞌ nĩ. Ã tỹ “Topẽ vĩ to vẽnh kanhrãn” kỹ, ã tỹ ki kanhrãn ke mũ, Topẽ Vĩ Rá tỹ nén tó tĩ vỹ hãn ri kenh ke mũ mỹr. (Han kãme [Atos] 17:11) Topẽ Vĩ Rá vỹ nén ũ tỹ hãn ri kenh ke mũ ag to kãmén tĩ. Topẽ Vĩ Rá to kanhrãn mũ vỹ ã ajũna kenh ke mũ, ã hã tỹ Topẽ vĩ kri fi mũ kuprẽg jé, ke tũ nĩn kỹ vaꞌ.
VẼNH KANHRÃN KÃFÓR NĨ
Ha tugnỹm, Topẽ Vĩ Rá tỹ nén tó tĩ tỹ hãn ri kenh ke mũ to. Vẽnh kanhrãn nĩ gé, Topẽ Vĩ Rá tỹ nén há tó tĩ hẽn ri ken kỹ ũn ag ajũna ke tĩ ti, ũri.
4. Topẽ Vĩ Rá vỹ ẽg mỹ ke tĩ, kejẽn ẽg pi hã re kã kãgter kar vẽsỹrinhrénh mãn ke mũ
Krẽm ke tỹ rán kỹ nĩ, Topẽ Vĩ Rá tỹ nén tó tĩ tỹ hãn ri kenh ke mũ ag to. Nén ũ ag tỹ ne ã mỹ há kãfór nĩ? Ã ne tugnĩn nén ũ tag ag kuprẽg ke?
Vẽnh rá tỹ Topẽ Vĩ Rá ag le kem nĩ, ag tỹ ránrán kỹ nỹtĩ, Topẽ Vĩ Rá tỹ nén tó tĩ rã jã. Kar jagnẽ mré vẽmén nĩ, tag to:
-
à hã mỹ, Topẽ Vĩ Rá ki nén ránrán kỹ nỹtĩ tag ag mỹ ã ajũna ke tĩ? Ag mỹ ã kanhkã ũ ajũna kenh ke mũ hãn, ke tũ nĩn kỹ ã mré ke ũ ti?
Ha to ãkrén, ã tỹ ga ki ẽmãn mũ
|
ŨN PI VẼSỸRÉNH MÃN KE MŨ, NÉN Ũ TAG AG TUGNĨN: |
VẼNH KAR VỸ NÉN Ũ HÁ TAG AG VIGVENH KE MŨ: |
|---|---|
|
|
|
|
|
|
|
|
|
|
5. Topẽ Vĩ Rá tỹ ẽg mỹ nén tó tĩ tỹ ã ajũna ke tĩ mỹr
Ũn e ag tỹ fe krój kar jũgjũ nỹtĩ, nén ũ kórég tỹ hãn ri ke tĩ ag tugnĩn. Ũn ag tỹ vãsãnsãn kãn tãvĩ tĩ, ag tỹ nén ũ ag hághá ke jé. Topẽ Vĩ Rá vỹ ẽg mỹ kãmén tĩ, nén ũ ag tỹ hághá kenh ke mũ. Ha vé, tag hẽn ri ken kỹ ũn ag ajũna ke tĩ ti. Ha vé VÍDEO ti. Kar jagnẽ mré vẽmén nĩ, nén ũ tag ag to:
-
Vídeo ki, nén ũ kórég tỹ ne Rafika fi mỹ kórég nĩ vã?
-
Fi tỹ nén ũ kórég ve ja ẽn pi tũ ké. Ge ra, Topẽ Vĩ Rá hã ren kỹ Rafika fi ajũna ké?
Topẽ Vĩ Rá tỹ nén ũ há tỹ hãn ri kenh ke mũ ag to kãmén tĩ, ag vỹ ẽg ajũna ke tĩ, ẽg pi fe krój nỹtĩ jé, kar ẽg tỹ nén ũ kórég ag vẽnh pãtá rãg há han jé. Provérbios 17:22 kar Roma 12:12 le kem nĩ. Kar jagnẽ mré vẽmén nĩ, tag to:
-
à hã mỹ, Topẽ Vĩ Rá tỹ nén ũ há tó tĩ ag mỹ ã ajũna ke há tĩ? à ne tugnĩn ge ẽkrén tĩ?
ŨN PIPIR AG VỸ KE TĨ: “Inh mỹ, Topẽ Vĩ Rá tỹ nén tó tĩ pi hãn ri kenh ke mũ.”
-
à ne tugnĩn ki kanhrãn ke nĩ, vẽjykre tag tỹ tỹ vẽnh ó nĩ, ke tũ nĩn kỹ vaꞌ?
à NE KANHRÃN JA TI
Topẽ Vĩ Rá vỹ nén ũ há tỹ hãn ri kenh ke mũ ag to kãmén tĩ, ẽg mỹ. Ag vỹ ẽg mỹ sigsér han tĩ, kar ẽg ajũna ke tĩ, ẽg tỹ nén ũ kórég ag vẽnh pãtá rãg há han jé.
Jykrinkrén mũ
-
Ũn ag ne tugnĩn Topẽ Vĩ Rá tỹ nén há tó tĩ ki kanhrãn ke nỹtĩ?
-
Topẽ Vĩ Rá ne kãmén tĩ, nén ũ tỹ hãn ri kenh ke mũ ag to?
-
Topẽ Vĩ Rá tỹ nén há tó tĩ hã ren kỹ ã ajũna ke há tĩ?
VẼNH KANHRÃN KÃFÓR MŨ
Ha tugnỹm, nén ũ há jãvãnh mũ hã ren kỹ ã ajũna ke tĩ ti?
“Nén ũ há jãvãnh mũ — Ã hã tá nén ũ há ag vigvenh ke mũ?” (Despertai!, abril tỹ 22 tỹ 2004)
Ha tugnỹm, ũn tỹ vẽnh kaga kórég nĩ tỹ, nén ũ há tỹ hãn ri kenh ke mũ ag to jykrén kỹ, tag hã ren kỹ ti ajũna ke tĩ ti.
“Ã tỹ vẽnh kaga kórég nĩn kỹ, Topẽ Vĩ Rá hã ren kỹ ã ajũna ke tĩ?” (Vẽnh rá tỹ jw.org)
à tỹ vídeo tag ve kỹ, ha to ãkrén nĩ, ã kar ã família tỹ jagnẽ mré ẽmãnmãn mũ, Ga Há ki, Topẽ Vĩ Rá tỹ tó ja ẽn ri ke.
Ha le ke, Topẽ Vĩ Rá tỹ nén ũ há tỹ hãn ri kenh ke mũ ag to kãmén tĩ hã ren kỹ ũn ajũna ke ti.
“Topẽ vỹ ti PãꞋi tỹ nén ũ kar ki han ke mũ” (A Sentinela, julho tỹ 1.° tỹ 2013)
