“Topẽ mỹ nén ũ kórég han mũ vỹ? Ũ tỹ nén kar han ki kanhró nĩ mỹ vẽjykre vẽnh mỹ han mũ vỹ?” — Jó 34:10

Ũn ag ne to vẽsỹrinhrénh tĩ?

• 1 João 5:19

  Ũn e tãvĩ tỹ Satanás krẽm ke kar nỹtĩ.

• Eclesiastes 8:9

  Ũn e tãvĩ vỹ ũnꞌ ũ ag mỹ nén ũ kórég hyn han tĩ.

• Eclesiastes 9:11

  Kejẽn nén ũ vẽnh mỹ vỹ vẽsỹmér ũn mỹ hãn ri ke tĩ.

• 1 Pedro 5:7

  Jeová vỹ ũn ag to há tãvĩ nĩ, kỹ ti pi ũn ag vẽsỹrinhrénh mũ ve sór tĩ.

“Topẽ tỹ ãjag mỹ tag tó vẽ, ti tỹ ãjag tỹ nén ũ há ki kanhró nĩ kamẽg kỹ. Topẽ ri ke nỹtĩ jé ãjag ke mũ, nén ũ há mré ãjag tóg nén ũ kórég ki kanhró nỹtĩnh ke mũ, Topẽ ri kén”, ke tóg Satanás ti. — Gênesis 3:5

Topẽ ne tugnĩn vẽnh kar mỹ ven sór mũ, Nén-Kórég tỹ tỹ ũn ón kamã nĩ ti?

• Gênesis 3:2-5

  Satanás vỹ Topẽ to: ‘ti pi ũn ag tỹ rĩr há han tĩ’, ke mũ. Nén-Kórég pi ũn ag tỹ Topẽ vĩ jẽmẽ mũ ve sór nĩ vã. Hã kỹ, ti tỹ ũn ag tỹ Topẽ vyr mỹ nén ũ han kuprẽg mũ ve sór tĩ vã.

• Jó 38:7

  Topẽ tỹ jẽnẽ jafã e tãvĩ rĩnve, Satanás vỹ Jeová to ón mũ.

‘Ẽprã ke pijé ti tỹ nén venh ke ki kanhró nĩꞌ. Ẽg pijé ẽg tỹ ne venh han há han ke mũ haꞌ.’ — Jeremias 10:23

Jeová ne tugnĩn vẽnh vẽsỹrénh tỹ tũꞌ ke tũ ver?

• Isaías 55:9

  Ẽprã ke pãꞌi ag pi ũn ag tỹ rĩr há han tĩ, ag tỹ Topẽ vyr mỹ nỹtĩn kỹ.

• 2 Pedro 3:9, 10

  Jeová tỹ ũn ag tỹ ag vẽjykre kórég tugvãnh to mã nĩ ver. Topẽ tỹ ge han ra, ẽg tỹ vãsãnsãn ke nỹtĩ, ti ki kanhró jé, kar ti vĩ jẽmẽ sór jé.

• 1 João 3:8

  Jeová vỹ Jesus tỹ Satanás han fã kar tỹ tũꞌ kenh ke mũ.

‘Inh kósin, vẽnh kanhrãn há han nĩ. Kỹ sóg ũ tỹ inh mỹ: ‘ti kórég han ã,’ he mũ mỹ vĩ há han ki kanhró nĩ.’ — Provérbios 27:11

Jeová ne tugnĩn ẽg tỹ ti mỹ rãnhrãj kuprẽg mũ ve sór tĩ?

• Provérbios 30:24-28

  Misu ag tỹ nén ũ hyn han nỹtĩg tĩ, ag ve pẽ tugnĩn. Hã ra Jeová vỹ ẽg hyn han mũ, ẽg hã tỹ nén ũ ag kuprẽgprẽg nỹtĩ jé. Hã kỹ, ẽg hã tỹ kuprẽg tĩ, Jeová vĩ jẽmẽ há han, ke tũg nĩn kỹ vaꞌ.

• Mateus 22:37, 38

  Jeová tỹ ẽg tỹ ti mỹ rãnhrãj nĩ ve sór tĩ, ẽg tỹ ti to há nỹtĩ tugnĩn.