“Hã jé sóg Topẽ mré vẽmén tĩ. Ẽg jóg vẽ mỹr. Ti tugrĩn ẽg tóg rĩnrĩr nỹtĩ, ẽprã ke kar, kanhkã tá ke kar ke gé. Kỹ tóg ẽg ki rĩr tĩgtĩ.” — Éfeso 3:14, 15

à mré ke ag hã ren kỹ jagnẽ mré há kar nỹtĩnh ke mũ?

• Gênesis 1:26-28

  Jeová tóg vẽnh kanhkã han mũ. Ẽg tỹ tag mĩ ãkrén ke nỹtĩ.

• Éfeso 5:1, 2

  Ẽg mré ke kar vỹ Jeová kar Jesus kãgran ke nỹtĩ.

“Hã ra tóg ẽg mỹ rán kỹ nĩ gé, ẽg tỹ ẽg prũ fag to há nỹtĩ jé, ẽg tỹ vẽnh ki rĩr há han mũ tag ri ke. Kỹ tóg fag mỹ rán kỹ nĩ gé, fag tỹ fag mén vĩ jẽmẽn jé.” — Éfeso 5:33

Ũn fi mén kar ũn prũ fi, fag hã ren kỹ jagnẽ ki rĩr ke nỹtĩ?

• Éfeso 5:22-29

  Ũn fi mén vỹ ti mré ke kar tỹ rĩr há han ke nĩ. Ti tỹ ti prũ fi to há ke nĩ, kar ti prũ fi vỹ fi mén jykre mĩ tĩg ke nĩ.

• Colossos 3:19; 1 Pedro 3:4

  Ũn fi mén kar ũn prũ fi, fag tỹ jagnẽ ki rĩr há han ke nỹtĩ, kar jagnẽ mỹ vĩ tar han tũg nĩ gé.

• 1 Pedro 3:1, 2, 7

  Ũn fi mén kar ũn prũ fi, fag tỹ jagnẽ jykre mĩ mũ ke nỹtĩ.

• 1 Timóteo 5:8; Tito 2:4, 5

  Ũn fi mén vỹ nén ũ gég kãtĩg ke nĩ, ti mré ke ag ki rĩr jé. Kar ti prũ fi vỹ fag ĩn kar fag krẽ ki rĩr há han ke nĩ.

‘Ãjag krẽ mỹ vĩ tar pẽ han tũg nĩ, ag tỹ ãjag to jũ tũ nĩ jé. Ãjag krẽ jyvẽn nĩ, ag mỹ ẽg Senhor jykre kãmén nĩ, ag tỹ mĩ mũn jé.’ — Éfeso 6:4

Panh kar mỹnh fag ne han ke nỹtĩ?

• Deuteronômio 6:4-9; Provérbios 22:6

  Panh kar mỹnh fag krẽ kanhrãnrãn há han ke nỹtĩ, Jeová to, fag krẽ sĩ kã. Panh kar mỹnh fag tỹ komẽr hã fag krẽ tar han ke nỹtĩ, fag krẽ tỹ tỹ Jeová mré ke nỹtĩ jé.

• 1 Pedro 5:8

  Panh kar mỹnh fag tỹ fag krẽ kanhrãnrãn há han ke nỹtĩ, fag krẽ tỹ vẽnh ki rĩr nỹtĩ jé, ũn tỹ fag krẽ vóg kónãn tũ nĩ jé.

• Jeremias 30:11; Hebreu 12:9-11

  Panh kar mỹnh fag tỹ fag krẽ mỹ ge ke nỹtĩ. Hã ra fag tỹ fag krẽ to jũgjũ nỹtĩ ra, ag pi fag krẽ mỹ ge ke nỹtĩ.

“Ãjag han mũ fag vĩ kri fim nĩ.” — Éfeso 6:1

Ũn krẽ ag ne to ag mỹnh fag vĩ jẽmẽ ke nỹtĩ?

• Provérbios 23:22-25; Colossos 3:20

  Ũn krẽ ag tỹ ag mỹnh fag vĩ jẽmẽ kỹ, tag vỹ ag mỹnh fag kar Jeová mỹ há han tĩ.

• 1 Corinto 15:33

  Ã krẽ mré tĩnh fã ag tỹ Jeová to há nỹtĩn kỹ, tag vỹ ã krẽ ag tar han ke mũ, ã krẽ ag tỹ ã vĩ jẽmẽ jé, kar ag tỹ ki hã han jé.