Vẽnh rá ũ ki, ẽg tóg Jesus nén tó ja ẽn ag tugnỹgnỹm mũ. Jesus tỹ nén tó ja ẽn vỹ ẽg mỹ ven tĩ, Topẽ Pãꞌi vỹ vẽnh ven nĩ ha, kanhkã tá, kar Jesus vỹ tỹ ti pãꞌi nĩ.

Topẽ Vĩ Rá vỹ ẽg mỹ kãmén tĩ, kanhkã tá, Jesus tỹ tỹ pãꞌi mág nĩ ke kar, ti tỹ Nén-Kórég kar vẽnh kuprĩg kórég ag kãkutẽm ja. Vãhã ag tỹ Ga ki nỹtĩ. Tag tugnĩn, prỹg tỹ 1914 ke kar, nén ũ jagy ag kãfór tỹ hẽn ri ke tĩ. — Nén venh ke 12:7, 9.

Jérĩn mỹ ũri ga ki, ũn ag tỹ vẽsỹrinhrénh mág nỹtĩ, Jesus tỹ tỹ pãꞌi nĩ ẽn ti, ti tỹ ũri ũn e ajũna ke tĩ. Jesus vỹ tó ja, ũn ag tỹ vẽnh kar tỹ kanhrãnrãn ke mũ vã, ẽmã kar ki. Tag tugrĩn ũn e ag tỹ Topẽ Vĩ Rá to kanhrãnrãn mũ, kar ti vẽnh jyvẽn há ag ki króm nỹtĩ. (Isaías 2:2-4) Ũn e ag tóg kanhrãnrãn mũ, ag hã ren kỹ família mỹ há nỹtĩ ti, kar ag hã ren kỹ ag vẽnh rãnhrãj to, kar ag tũ ag to jykrén há han tĩ ti. Ag tỹ kanhrãnrãn mũ, ag ne hyn han ke nỹtĩ ti, ag tỹ ũri mũ há han jé, kar ag tỹ tỹ ũn há nỹtĩ jé, Topẽ mỹ.

Jérĩn mỹ Jesus vỹ pãꞌi nĩ ha, kanhkã tá, ũn ag tỹ ẽprã ke pãꞌi ag krẽm ke kỹ nỹtĩ, ga kri. Hã ra Topẽ tóg Jesus mỹ: “Ã kato vãsãnsãn mũ ag sigsem nĩ.” (Salmo 110:2) Kãnhmar Jesus tỹ ti kato vãnsãn mũ kar tỹ tũꞌ kenh mũ, kar ti tỹ ũn tỹ Topẽ vĩ han tĩ ag jagãgtãn ke mũ.

Tag tỹ hẽn ri ken kỹ, Topẽ Pãꞌi ne hyn han ke mũ?

• Ti tỹ ón kỹ religião ag tỹ tũꞌ kenh ke mũ. Religião tỹ ũn ón tĩ, Topẽ to. Ag tỹ ũn ag mỹ nén ũ vẽnh mỹ hyn han tĩ. Topẽ tỹ religião tag ag kókén ke mũ. Tag tỹ hẽn ri ken kỹ, kỹ tóg ũn e ag mỹ e tĩ sir. — Nén venh ke 17:15, 16.

• Ti tỹ ẽprã ke pãꞌi tỹ tũꞌ kenh ke mũ. Topẽ Pãꞌi tỹ ẽprã ke pãꞌi ag kar tỹ tũꞌ kenh ke mũ. — Nén venh ke 19:15, 17, 18.

• Ti tỹ ũn jykre kórég ag tỹ tũꞌ kenh ke mũ. Ũri ũn e ag tỹ nén ũ kórég ag hyn han tĩ kar ag tỹ Topẽ vĩ ki króm sór tũ nỹtĩ. Ne nỹ hẽn ri kenh ke mũ, ag mỹ? “Topẽ tóg ũn jykre kórég ag kãgtén ke mũ, ũn tỹ ti vĩ mranh mũ ag tỹ tũꞌ he jé tóg ke mũ.” — Provérbios 2:22.

• Ti tỹ Nén-Kórég kar ti vẽnh kuprĩg kórég ag kókén ke mũ. Nén-Kórég kar ti vẽnh kuprĩg kórég ag vỹ “povo ag krĩ kónãn mãn ke tũ nĩ”. — Nén venh ke 20:3, 10.

Nén ũ há ag tỹ ne hẽn ri kenh ke mũ, ũn tỹ Topẽ Pãꞌi krẽm ke sór nỹtĩ, ag mỹ?

Jesus tỹ nén ũ há hyn han ke mũ ag vỹ ẽprã ke pãꞌi tỹ nén han ja ag há kãfór nỹtĩnh mũ. Jesus kar ũn kuprẽg ja ag tỹ 144.000 tỹ ga tỹ rĩr ke mũ, kanhkã tá. (Nén venh ke 5:9, 10; 14:1, 3) Jesus tỹ Topẽ tỹ nén ũ há ag ve sór tĩ hyn han ke mũ. Ha vé Topẽ Pãꞌi ne hyn han ke mũ to:

• Ũn ag pi kaga kar kãgter mãn ke mũ. “Ag vỹ kaga venh ke tũ nĩ” kar “ũn ter mãn ke tũ.” — Isaías 33:24; Nén venh ke 21:4.

• Ag pi vẽsỹrinhrénh mãn, jatun mỹ nỹtĩnh mũ. “Jatun mỹ ag nỹtĩnh ke mũ” kar “vẽnh kar vỹ jatun mỹ ag nỹtĩnh ke mũ ha. Jatun mỹ ag tóg vẽnh kánkán ke mũ ha. Ag kar tỹ figo han mũ krẽm, ag parreira krẽm.” — Isaías 54:13; Miquéias 4:4.

• Ũn ag tỹ vẽnh rãnhrãj há nỹtĩnh ke mũ. “Kỹ tóg vẽnh kar tỹ mỹ há nĩnh ke mũ, kỹ ag tóg ag hã tỹ nén han ja venh ke mũ, ãjag tỹ nén han ja há han ke mũ.” — Isaías 65:22, 23.

• Ga vỹ ẽmã há nĩnh mũ. “Ga kórég mỹ tóg sér tĩnh mũ, kỹ kafej vỹ ẽg ven ke mũ, ga tóg ra” — Isaías 35:1.

• Ũn ag tỹ kanhrãnrãn ke mũ, ag ne hyn han ke mũ, ag tỹ rĩr krỹg ja tũ venh jé. “Ũn tỹ ã to: “Topẽ ũ vỹ tũ nĩ” he mũ kar ag fag kar ke gé. Kỹ ag tóg isỹ tỹ Jesus Cristo nĩ ki kanhró nỹtĩn gé, ã hã tỹ inh vĩ jẽmẽ ẽn ti.” — João 17:3.

Topẽ tỹ nén ũ há ẽn ag ã mỹ vin sór tĩ. (Isaías 48:18) Vẽnh rá ũ kã vỹ ã mỹ kãmén ke vẽ, ã ne ũri han ke nĩ to, ã tỹ nén há ag ve jé.