“Isỹ ter kỹ, inh mỹ há kãfor!” Hã re mũn ã tỹ ge vãmén tĩ, hã re mũn ã jykre kãki, ã nén ũ jagy pi hã re kã háꞌ kenh ke mũ. Hã ra nén ũ há ag vỹ nỹtĩ, ag tỹ ã tar han ke mũ.

Topẽ mré vĩ. Ã tỹ kurã kar ki Topẽ mré vĩ ke nĩ. Kar ã tỹ nén ũ jagy kato tã kỹ, ã tỹ Topẽ mré vĩ ke nĩ gé. Ẽg tỹ Topẽ tỹ Jeová mré vãmén kỹ, ẽg tỹ ti mré vĩ mũ, ũn tỹ to kanẽ jur tĩ ẽn mré. Topẽ Vĩ Rá ẽg mỹ ge ke, Salmo 55:22 ki: “Ã tỹ nén to krĩ kufy han mũ tỹ TOPẼ mỹ tovãnh nĩ, ti tỹ ã mỹ ã krĩ kuprãg jé”.

Ũri, Topẽ mré vĩm nĩ, Topẽ jyjy pẽ vãmén nĩ, Jeová ti. Kar ti mỹ vãmén nĩ, nén ũ ag tỹ ã krĩ kufy gy han mũ to. (Salmo 62:8) Topẽ tỹ tỹ ã mré ke pẽ nĩ sór. (Isaías 55:6; Tiago 2:23) Óra kar ki kar ã hã mĩ tĩ ti, ã tỹ Topẽ mré vĩn kỹ, ti tỹ ã vĩ mẽg tĩ.

Ũn ag tỹ ã to kanẽ jur tĩ ag ti. Ã kanhkã kar ã mré ke ag tỹ ã tỹ ag mré nỹtĩ hã ki mũ sór. Hã re mũn ag tỹ ã mỹ ven hor, ã tỹ tỹ ag mré ke pẽ nĩ. Ũnꞌ ũ ag tỹ ã to kanẽ jur tĩ gé, hã re mũn ã pi ag ki kanhrãn nĩ. Kejẽn Jeová Kãmén Fã ag tỹ ũn tỹ vẽsỹrénh mũ kato tã tĩ. Ũn ag tỹ krĩ kufy gy nỹtĩ, kỹ ag tỹ ũn tỹ ag jagãgtãn mũ ve sór mũ, kar ũnꞌ ũ ag tỹ vẽsén sór. Jeová Kãmén Fã ag tỹ Topẽ vĩ to kãmén mũn kỹ, ag tỹ ũn tỹ vẽsỹrénh mũ ag jagãgtãn tĩ. Jeová Kãmén Fã ag tỹ Jesus kãgran tĩ, hã kỹ ag tỹ ũn ag to kanẽ jur tĩ. Ag tỹ ã to kanẽ jur tĩ gé. — João 13:35.

Médico jãvãnh nĩ. Kejẽn ũn tỹ vẽsén sór kỹ, ti jykre tỹ kaga nĩ tugnĩ. Ẽg tỹ kaga nỹtĩn kỹ, ẽg pi mỹꞌãg nỹtĩ, ẽg tỹ ũn mỹ vãmén jé, ẽg kaga to. Tag hã ẽg jykre tỹ kaga nỹtĩn kỹ, ẽg pi mỹꞌãg ke nỹtĩ gé. Ũri ũn e tỹ kaga nỹtĩ, ag jykre to, hã ra ã tỹ vẽnh ki rĩr kỹ, ã tỹ háꞌ kenh ke mũ. *

MĨ ẼKRÉN NĨ: Ã pir tỹ vẽnh ki rĩr sór kỹ, tag vỹ nén ũ han kórég nĩ, hã ra ũn tỹ ã ki rĩr kỹ, ã tỹ há kenh ke mũ.

ŨRI Ã NE HAN KE MŨ TI: Médico há javãnh nĩ, ti tỹ ã ki rĩr jé.