KĨŨRIA KĨA 1
Ngai Nũũ?
“Andũ nĩ mamenye atĩ wee, o wee wĩtagwo Jehova, wee wiki nowe Ũrĩa ũrĩ Igũrũ Mũno, igũrũ rĩa thĩ yothe.”
“Menyai atĩ Jehova nĩ Ngai. Nĩwe watũũmbire, na ithuĩ tũrĩ ake.”
“Niĩ nĩ niĩ Jehova. Rĩu nĩrĩo rĩĩtwa rĩakwa; na ndiheaga ũngĩ o wothe riri wakwa, kana ngaheana rũgooco rwakwa kũrĩ mĩhianano ya gwacũhio.”
“Mũndũ o wothe ũkayagĩra rĩĩtwa rĩa Jehova nĩ akaahonokio.”
“Ma nĩ atĩ, nyũmba o yothe nĩ ĩrĩ ũrĩa wamĩakire, no ũrĩa waakire indo ciothe nĩ Ngai.”
“Tiirai maitho manyu na igũrũ muone. Nũũ wombire indo icio? Nĩ Ũrĩa ũcitongoragia ta mbũtũ agĩcitaraga; aciĩtaga ciothe na marĩĩtwa. Tondũ wa ũhoti wake mũingĩ na hinya wake wa magegania, gũtirĩ o na ĩmwe yagaga.”
Icunjĩ Ingĩ Hihi Ũngĩenda Gũthoma
MORUTANI MA BATA MA BIBILIA
Ngai Hihi nĩ Arĩ Rĩĩtwa?
Ngai nĩ arĩ marĩĩtwa maingĩ ma ũnene, ta Mwene Hinya Wothe, Mũũmbi, na Mwathani. No rĩĩtwa rĩa Ngai rĩhũthĩrĩtwo makĩria ma maita 7,000 Bibilia-inĩ.
