Marũa ma Kerĩ ma Johana 1:1-13
1 Nĩ niĩ mũthuri mũkũrũ,* kũrĩ mũtumia ũrĩa mũthuure na kũrĩ ciana ciake, arĩa nyendete mũno, na to niĩ nyiki ĩndĩ nĩ nginya arĩa othe mamenyete ũhoro wa ma,
2 tondũ wa ũhoro ũrĩa wa ma ũtũũraga thĩinĩ witũ na ũgũkorũo hamwe na ithuĩ tene na tene.
3 Nĩ tũgũkorũo na ũtugi mũnene, tha, na thayũ kuuma kũrĩ Ngai Ithe witũ na kuuma kũrĩ Jesu Kristo, Mũriũ wa Ithe witũ, hamwe na ũhoro wa ma na wendo.
4 Nĩ ngenete mũno nĩ ũndũ wa kuona ciana imwe ciaku igĩthiĩ thĩinĩ wa ũhoro ũrĩa wa ma,+ o ta ũrĩa twaamũkĩrire rĩathani kuuma kũrĩ Ithe witũ.
5 Kwoguo rĩu ndĩrakũũria wee mũtumia ũyũ, atĩ twendanage o mũndũ na ũrĩa ũngĩ. (Ti rĩathani rĩerũ ndĩrakwandĩkĩra, no nĩ rĩrĩa twarĩ narĩo kuuma o kĩambĩrĩria.)+
6 Naguo wendo nĩ kuuga ũũ, atĩ tũtũũre tũthiaga kũringana na maathani make.+ Rĩrĩ nĩrĩo rĩathani, o ta ũrĩa mwaiguire kuuma o kĩambĩrĩria, atĩ mwagĩrĩirũo gũtũũra mũthiaga thĩinĩ warĩo.
7 Nĩ gũkorũo nĩ kũgĩĩte na aheenania aingĩ thĩinĩ wa thĩ,+ arĩa matetĩkĩtie atĩ Jesu Kristo ookire thĩinĩ wa mwĩrĩ.+ Ũcio nĩwe mũheenania na nowe mũregi-Kristo.+
8 Mwĩmenyererei inyuĩ ene, nĩguo mũtikanorũo nĩ maũndũ marĩa tũrutĩire wĩra nĩguo tũgĩe namo, no atĩ mũkaamũkĩra kĩheo kĩrĩ gĩothe.+
9 Mũndũ o wothe ũkĩraga mĩhaka na akaga gũtũũra thĩinĩ wa ũrutani wa Kristo ndarĩ na Ngai.+ Ũrĩa ũtũũraga thĩinĩ wa ũrutani ũcio nĩwe ũrĩ na Ithe o na Mũriũ.+
10 Mũndũ o na ũrĩkũ angĩũka kũrĩ inyuĩ na age kũrehe ũrutani ũcio, mũtikanamwamũkĩre kwanyu mĩciĩ+ o na kana mũmũgeithie.
11 Tondũ mũndũ ũrĩa ũmũgeithagia nĩ kũnyitanĩra anyitanagĩra nake ciĩko-inĩ ciake cia waganu.
12 O na gũtuĩka ndĩ na maũndũ maingĩ ma kũmwandĩkĩra-rĩ, ndirenda gwĩka ũguo na karatathi na rangi, no nĩ ndĩrerĩgĩrĩra gũka kũrĩ inyuĩ na kwaria na inyuĩ ũthiũ kwa ũthiũ, nĩguo gĩkeno kĩanyu gĩkinyanĩre.
13 Ciana cia mwarĩ wa thoguo, ũrĩa mũthuure, nĩ ciakũgeithia.
Tũũhoro twa magũrũ-inĩ
^ Kana “mũthuri wa kĩũngano.”
