Ayubu 13:1-28
13 “Atĩrĩrĩ, riitho rĩakwa nĩ rĩonete maũndũ macio mothe,Gũtũ gwakwa nĩ kũiguĩte na gũgataũkĩrũo nĩmo.
2 Maũndũ marĩa mũĩ, o na niĩ nĩ ndĩmoĩ;Gũtirĩ ũndũ mũngĩrĩte naguo.
3 Niĩ-rĩ, nĩ kaba njarie na Mwene-Hinya-Wothe we mwene;Ndĩrerirĩria gũciira na Ngai.+
4 No inyuĩ nĩ kũhaka mũrahaka maheeni;Inyuothe mũrĩ ndagĩtarĩ cia tũhũ.+
5 Na arĩ korũo no mũkire ki,Mũngĩka ũguo no muonanie atĩ mũrĩ ogĩ.+
6 Ta thikĩrĩriai maũndũ marĩa nguuga,Na mũthikĩrĩrie mathaithana ma mĩromo yakwa.
7 Kaĩ mũkwaria maũndũ matarĩ ma kĩhooto handũ-inĩ ha Ngai,Na kaĩ mũkwaria maheeni handũ-inĩ hake?
8 Kaĩ mũkũmũnyita mbaru,Kaĩ mũkũgeria gũciira handũ-inĩ ha Ngai ũrĩa wa ma?
9 Angĩmũthuthuria-rĩ, hihi no muonwo mũrĩ agĩrĩru?+
Hihi no mũmũheenie ta ũrĩa mũngĩheenia mũndũ?
10 Hatarĩ nganja nĩ ekũmũrũngaMũngĩgeria kuonania kĩmenyano na hitho.+
11 Githĩ riri wake to ũtũme mwĩtigĩreNa mũnyitwo nĩ guoya nĩ ũndũ wake?
12 Ciugo cianyu cia ũũgĩ* nĩ thimo cia tũhũ o ta mũhu;Ihooto* cianyu ciagĩte hinya o ta thingo cia rĩũmba.
13 Kirai nĩguo njarie.
Na mũreke nyone ũrĩa nguona!
14 Ndĩretwarĩrĩria ũgwati-inĩ nĩkĩ*Na ngaiga muoyo wakwa guoko-inĩ gwakwa?
15 O na gũtuĩka no anjũrage, nowe ngweterera;+Ngũtetera mĩthiĩre yakwa o ũthiũ-inĩ wake.
16 Hĩndĩ ĩyo angĩtuĩka ũhonokio wakwa,+Nĩ gũkorũo gũtirĩ mũndũ ũtetigĩrĩte Ngai* ũngĩthiĩ mbere yake.+
17 Thikĩrĩriai kiugo gĩakwa na kinyi;Tegai matũ mũigue ũrĩa nguuga.
18 Atĩrĩrĩ, niĩ nĩ haarĩirie ciira wakwa;Nĩ njũĩ atĩ ndihĩtĩtie.
19 Nũũ ũkũnjirithia?
Ingĩikara ngirĩte-rĩ, no gũkua ingĩkua!*
20 Ndĩrakũhoya o maũndũ merĩ, wee Ngai,*Nĩguo ndige kwĩhitha kuuma harĩ wee:
21 Eheria guoko kũu gwaku kũritũ ũkũige haraya na niĩ,Na ndũkareke maũndũ maku ma kũmakania matũme ndĩtigĩre.+
22 Ĩtana na nĩ ngũgwĩtĩka,Kana ũreke njarie, nawe ũnjokerie.
23 Mahĩtia makwa o na mehia makwa nĩ marĩkũ?
Nguũrĩria mahĩtia o na mehia makwa.
24 Ũrahitha ũthiũ waku nĩkĩ+Na ũkandua thũ yaku?+
25 Hihi nĩ ũkũgeria kũmakia ithangũ rĩrahurutwo nĩ rũhuhoKana gũteng’erania na mahuti momũ?
26 Nĩ gũkorũo ũikaraga ũkĩandĩkaga maũndũ moru marĩa thitangĩirũo,Na ũkaherithia nĩ ũndũ wa mehia ma ũnyinyi wakwa.
27 Wĩkĩrĩte magũrũ makwa ndungu-inĩ,Ũthuthuragia njĩra ciakwa ciothe,Na ũgatuĩria makinya makwa mothe.
28 Nĩ ũndũ ũcio, mũndũ* atariĩ ta kĩndũ kĩbuthu gĩtarĩ bata,O ta nguo ĩrĩĩtwo nĩ memenyi.
Tũũhoro twa magũrũ-inĩ
^ Kana “itangĩriganĩra.”
^ Kana “ngo.”
^ Ũkk., “Ndĩrakuua mwĩrĩ wakwa magego-inĩ makwa nĩkĩ?”
^ Kana “gũtirĩ mũregenyũki.”
^ Kana hihi, “Angĩkorũo nĩ harĩ, ngũikara ngirĩte na ngue.”
^ Ũkk., “Ndũkanjĩke maũndũ maya merĩ.”
^ No kũhoteke nĩ Ayubu.
