Ayubu 17:1-16
17 “Roho wakwa nĩ mũthuthĩku, namo matukũ makwa magathira;Mbĩrĩra nĩ ĩnjetereire.+
2 Thiũrũrũkĩirio nĩ anyũrũrania,+Narĩo riitho rĩakwa no mũhaka rĩĩrorere* mĩtugo yao ya ũremi.
3 Ndagũthaitha wĩtĩkĩre kĩndũ gĩakwa gĩa kũndũgamĩrĩra, ũikare nakĩo.
Nũũ ũngĩ ũngĩtĩkĩra kũndũgamĩrĩra?+
4 Nĩ gũkorũo nĩ ũtũmĩte ngoro ciao ciage ũtaũku;+Na nĩkĩo ũtamatũũgagĩria.
5 Mũndũ no erutĩre kũgayana indo ciake na arata ake,Na hĩndĩ ĩyo maitho ma ciana ciake matirahota kuona.
6 We atũmĩte nduĩke kĩndũ gĩa kũnyararũo* gatagatĩ-inĩ ka ikundi cia andũ,+Ngagĩtuĩka wa gũtuagĩrũo mata ũthiũ nĩo.+
7 Maitho makwa marĩ na nduma tondũ wa kĩeha,+Nacio ciĩga ciakwa ciothe ikahaana o ta kĩĩruru.
8 Andũ arĩa arũngĩrĩru nĩ maragegio nĩ ũndũ ũcio,Nao arĩa matarĩ ũcuke magatangĩka nĩ ũndũ wa arĩa matetigĩrĩte Ngai.*
9 Mũndũ ũrĩa mũthingu aikaraga arũmĩtie njĩra yake,+Nake ũrĩa ũrĩ na moko matheru akagĩa na hinya makĩria.+
10 No rĩrĩ, inyuothe no mũthiĩ na mbere na ngarari cianyu,Tondũ ndionete mũndũ o na ũmwe mũũgĩ gatagatĩ-inĩ kanyu.+
11 Matukũ makwa nĩ mathiru;+Mĩbango yakwa nĩ mĩharaganu, o na merirĩria ma ngoro yakwa.+
12 Acio maikaraga makĩgarũraga ũtukũ makaũtua mũthenya,Makoiga ũũ, ‘No mũhaka ũtheri ũkorũo nĩ ũkuhĩrĩirie tondũ kũrĩ na nduma.’
13 Ingĩeterera, Mbĩrĩra* nĩyo ĩrĩtuĩka mũciĩ wakwa;+Ngaara ũrĩrĩ wakwa nduma-inĩ.+
14 Ngaanĩrĩra njĩre irima atĩrĩ,*+ ‘Wee nĩwe baba!’
Ningĩ njĩre kĩgunyũ atĩrĩ, ‘Wee nĩwe maitũ na mwarĩ wa maitũ!’
15 Kĩĩrĩgĩrĩro gĩakwa gĩkĩrĩ kũ?+
Nũũ ũrona kĩĩrĩgĩrĩro gĩakwa?
16 Gĩgaaikũrũka o nginya ihingo-inĩ cia Mbĩrĩra*Rĩrĩa ithuothe tũgaaikũrũka tĩri-inĩ tũrĩ hamwe.”+
Tũũhoro twa magũrũ-inĩ
^ Kana “rĩikare rĩrorete.”
^ Ũkk., “thimo.”
^ Kana “aregenyũki.”
^ Kana “Sheoli,” ũguo nĩ kuuga, mbĩrĩra ya mũhaano kũrĩa akuũ makomete. Rora Ũthathaũri wa Ciugo.
^ Kana “mbĩrĩra.”
^ Kana “Sheoli,” ũguo nĩ kuuga, mbĩrĩra ya mũhaano kũrĩa akuũ makomete. Rora Ũthathaũri wa Ciugo.
