Isaia 41:1-29
41 “Ta thikĩrĩriai mũkirĩte,* inyuĩ icigĩrĩra;Ndũrĩrĩ nĩ icokererũo nĩ hinya.
Nĩ ikuhĩrĩrie na icoke ciarie.+
Nĩ tũcemaniei hamwe nĩ ũndũ wa ituĩro.
2 Nũũ warahũrĩte mũndũ kuuma mwena wa irathĩro,+Akamwĩta na ũthingu nginya magũrũ-inĩ Make,*Nĩguo aneane ndũrĩrĩ harĩ weNa atũme atoorie athamaki?+
Nũũ ũtũmaga matuĩke o rũkũngũ mbere ya rũhiũ rwake rwa njora,O ta mahuti mahurutĩtwo nĩ rũhuho mbere ya ũta wake?
3 Amateng’eragia, akahĩtũka atekũhĩngĩcwoAgereire njĩra atarĩ agerera na magũrũ make.
4 Nũũ woete ikinya rĩu na ageka ũguo,Ageta njiarũa kuuma o kĩambĩrĩria?
Niĩ, Jehova, nĩ niĩ Wa Mbere;+Na harĩ arĩa a mũico ndicenjagia.”+
5 Icigĩrĩra nĩ ciĩyoneire ũndũ ũcio na igetigĩra.
Ituri cia thĩ nĩ ciaambĩrĩirie kũinaina.
Nĩ icokanĩrĩire hamwe na ikeyumĩria.
6 O ũmwe wao agateithia mũrataweNa akera mũrũ wa ithe atĩrĩ: “Gĩa na hinya.”
7 Nĩ ũndũ ũcio bundi agekĩra hinya mũturi wa cuma;+Nake ũrĩa ũnyorokagia na kĩbũiAgekĩra hinya ũrĩa ũratura ihiga-inĩ rĩa ũturi.
Ũhoro wĩgiĩ kũnyitithania cuma akoiga ũũ: “Nĩ wĩra mwega.”
Ĩgacoka ĩkarũmio na mĩcumarĩ nĩgetha ndĩkagwe.
8 “No wee Isiraeli-rĩ, ũrĩ ndungata yakwa,+Wee Jakubu, o wee thuurĩte,+Mbeũ ya* Iburahimu mũrata wakwa,+
9 O wee ndarutire ituri-inĩ cia thĩ,+Na o wee ndetire kuuma kũndũ kũrĩa kũraihu mũno kwayo.
Ngĩkwĩra atĩrĩ, ‘Wee ũrĩ ndungata yakwa;+Nĩ ngũthuurĩte; Ndikũregete.+
10 Ndũgetigĩre, nĩ gũkorũo niĩ ndĩ hamwe nawe.+
Ndũgatangĩke, nĩ gũkorũo niĩ nĩ niĩ Ngai waku.+
Nĩ ngũgwĩkĩra hinya, ĩni, nĩ ngũgũteithia,+Ngũkũnyita biũ na guoko gwakwa kwa ũrĩo kwa ũthingu.’
11 Na rĩrĩ, arĩa othe makũrakaragĩra nĩ magaaconoka na maconorithio.+
Arĩa othe marũaga nawe nĩ makaagithio kĩene na mathire.+
12 Ũgaacaria andũ arĩa magianaga nawe, no ndũkaamona;Andũ arĩa marũaga nawe magaatuĩka o ta kĩndũ hatarĩ, maagithio kĩene biũ.+
13 Nĩ gũkorũo niĩ Jehova Ngai waku, nĩ nyitĩte guoko gwaku kwa ũrĩo,Na ngakwĩra atĩrĩ, ‘Ndũgetigĩre. Nĩ ngũgũteithia.’+
14 Ndũgetigĩre, wee Jakubu kagunyũ* gaka,+Inyuĩ andũ a Isiraeli, nĩ ngũmũteithia,” ũguo nĩguo Jehova oigĩte, o we Mũkũũri wanyu,+ Ũrĩa Mũtheru wa Isiraeli.
15 “Atĩrĩrĩ, nĩ ngũtuĩte rũbaũ rwa kũhũũra ngano,+Rũbaũ rwerũ rwa kũhũũra ngano rũrĩ na magego mĩena ĩĩrĩ.
Ũkaagerera igũrũ rĩa irĩma na ũcimemendeNatuo tũrĩma ũtũtue ta mahuti.
16 Nĩ ũgaacihuuha,Naruo rũhuho rũcihurute ithire;Kĩhuhũkanio nĩ gĩgaacihurunja.
Nĩ ũgaakena nĩ ũndũ wa Jehova,+Na nĩ ũkeeraha nĩ ũndũ wa Ũrĩa Mũtheru wa Isiraeli.”+
17 “Andũ arĩa abatari na athĩni nĩ maracaria maĩ, ĩndĩ gũtirĩ.
Rũrĩmĩ rwao nĩ rũng’aru nĩ ũndũ wa kũnyota.+
Niĩ Jehova nĩ ngaamacokeria.+
Niĩ Ngai wa Isiraeli, ndikaamatiganĩria.+
18 Nĩ ngaatũma njũũĩ ithererage tũrĩma-inĩ+Namo matherũkĩro ma maĩ mathererage mĩkuru-inĩ mĩaraganu.+
Werũ ngaaũtua karia ka maĩ karĩ na mathanjĩNaguo bũrũri ũrĩa ũtarĩ maĩ ndĩũtue matherũkĩro ma maĩ.+
19 Nĩ ngaahanda mũtĩ wa mũtarakwa werũ-inĩ,O hamwe na mũgaa na mũhandathi, na mũcinda-nũgũ.*+
Werũ-inĩ mwaraganu nĩ ngaahanda mũtĩ wa mũthengera,O hamwe na mũtĩ wa mũbinde na mũthithinda,+
20 Nĩgetha andũ othe mone na mamenyeNa mathikĩrĩrie na mataũkĩrũoAtĩ guoko kwa Jehova nĩkuo gwĩkĩte ũguo,Na Ũrĩa Mũtheru wa Isiraeli nĩwe ũũmbĩte indo icio.”+
21 “Rehei ciira wanyu,” ũguo nĩguo Jehova ekuuga.
“Rutai ihooto cianyu,” ũguo nĩguo Mũthamaki wa Jakubu ekuuga.
22 “Onaniai ũira na mũtũmenyithie maũndũ marĩa megwĩkĩka.
Twĩrei ũhoro wa maũndũ marĩa mahĩtũku,*Nĩguo tũmecirie na tũmenye moimĩrĩro mamo.
Kana mũtũmenyithie maũndũ marĩa maroka.+
23 Twĩrei ũrĩa gũgaathiĩ ihinda rĩũkĩte,Nĩgetha tũmenye atĩ mũrĩ ngai.+
Ĩkai ũndũ, mwega kana mũũru,Nĩgetha tũgege twawona.+
24 Atĩrĩrĩ, inyuĩ mũrĩ kĩndũ hatarĩ,Namo maũndũ marĩa mũhingĩtie nĩ ma tũhũ.+
Mũndũ o wothe ũmwĩthuurĩire inyuĩ nĩ kĩndũ kĩrĩ magigi.+
25 Nĩ njarahũrĩte mũndũ kuuma mwena wa rũgongo, na nĩ agooka,+Akooima mwena ũrĩa riũa rĩrathagĩra*+ na nĩ agaakaĩra rĩĩtwa rĩakwa.
Akaarangĩrĩria atongoria* ta arĩ rĩũmba,+O ta ũrĩa mũũmbi arangarangaga rĩũmba rĩigũ.
26 Nũũ woigire maũndũ maya kuuma o kĩambĩrĩria, nĩguo tũmenye,Kana hihi kuuma mahinda-inĩ marĩa mahĩtũku, nĩguo tuuge, ‘ndahĩtĩtie’?+
Hatarĩ nganja, gũtirĩ mũndũ wamenyithanirie maũndũ macio!
Gũtirĩ mũndũ weranire ũhoro ũcio!
Gũtirĩ mũndũ waiguire ũndũ o na ũrĩkũ kuuma harĩ wee!”+
27 Nĩ niĩ ndarĩ wa mbere kwĩra Zayuni ũũ: “Atĩrĩrĩ, ĩ aya haha!”+
Na nĩ ngaatũmĩra Jerusalemu mũndũ ũkaaheana ũhoro mwega.+
28 No ndaikaraga ngĩroraga, na hatiarĩ mũndũ o na ũrĩkũ;Gũtiarĩ mũndũ o na ũmwe gatagatĩ-inĩ kao wa kũheana ũtaaro.
Na ndaikaraga o ngĩmeraga macokie ũhoro.
29 Atĩrĩrĩ, othe matariĩ o ta kĩndũ kĩa maheeni.*
Mawĩra mao nĩ ma tũhũ.
Mĩhianano yao ya cuma* ĩhaana o ta rũhuho na kĩndũ hatarĩ.+
Tũũhoro twa magũrũ-inĩ
^ Kana “Mũkire mũrĩ mbere yakwa.”
^ Ũguo nĩ kuuga, kũmũtungatĩra.
^ Kana “Rũciaro rwa.”
^ Ũguo nĩ kuuga, ũtangĩhota kwĩgitĩra kana ũtarĩ hinya.
^ Kana “mũbaina.”
^ Ũkk., “ma mbere.”
^ Kana “irathĩro.”
^ Kana “atongoria.”
^ Kana “kĩndũ hatarĩ.”
^ Kana “mĩhianano ya gũtwekio.”
