Thaburi 34:1-22
Thaburi ya Daudi, rĩrĩa eetuĩte mũgũrũki+ arĩ mbere ya Abimeleku, nake akĩmũingata na Daudi agĩthiĩ.
א [Aleph]
34 Ndĩrĩgoocaga Jehova mahinda mothe;Ndĩrĩmũgoocaga na mĩromo yakwa hĩndĩ ciothe.
ב [Beth]
2 Nĩ ndĩrĩĩrahaga nĩ ũndũ wa Jehova;+Andũ arĩa ahooreri marĩiguaga ũhoro ũcio magakena.
ג [Gimel]
3 Goocai Jehova mwĩ hamwe na niĩ;+Nĩ tũtũũgĩriei rĩĩtwa rĩake twĩ hamwe.
ד [Daleth]
4 Ndatuĩririe ũhoro harĩ Jehova, nake akĩnjokeria.+
Aahonokirie kuuma harĩ maũndũ mothe marĩa maanjĩkĩraga guoya.+
ה [He]
5 Arĩa maamũrorire nĩ maakengire;Mothiũ mao matingĩaconorithirio.
ז [Zayin]
6 Mũndũ ũcio ũtarĩ hinya aakaĩire Jehova, nake akĩmũigua.
Aamũhonokirie kuuma harĩ mĩtangĩko yake yothe.+
ח [Heth]
7 Mũraika wa Jehova ambaga hema gũthiũrũrũkĩria arĩa metigĩrĩte Ngai,+Na akamahonokia.+
ט [Teth]
8 Camai muone atĩ Jehova nĩ mwega;+Gũkena nĩ mũndũ ũrĩa ũũragĩra harĩ we.
י [Yod]
9 Mwĩtigĩrei Jehova, inyuĩ andũ ake othe arĩa aamũre,Nĩ gũkorũo arĩa mamwĩtigagĩra gũtirĩ kĩndũ magaga.+
כ [Kaph]
10 O na mĩrũthi mĩthĩ ĩrĩ na hinya* nĩ ĩhũtaga nĩ ũndũ wa kwaga gĩa kũrĩa,No andũ arĩa macaragia Jehova matingĩaga kĩndũ o gĩothe kĩega.+
ל [Lamed]
11 Ũkai ariũ akwa, mũthikĩrĩrie;Nĩ ngũmũruta gwĩtigĩra Jehova.+
מ [Mem]
12 Nũũ gatagatĩ-inĩ kanyu ũkenagĩra muoyoNa no ende kuona matukũ maingĩ mega?+
נ [Nun]
13 Kĩgitagĩre rũrĩmĩ rwaku kuumana na maũndũ moru,+Na ũgitagĩre mĩromo yaku ndĩkarie maheeni.+
ס [Samekh]
14 Wĩtheme maũndũ marĩa moru na wĩkage marĩa mega;+Caragia thayũ na ũũthingatage.+
ע [Ayin]
15 Maitho ma Jehova nĩ maroraga andũ arĩa athingu,+Na matũ make nĩ mathikagĩrĩria kĩrĩro kĩao gĩa kũhoya ũteithio.+
פ [Pe]
16 No ũthiũ wa Jehova nĩ ũũkagĩrĩra arĩa mekaga maũndũ moru,Nĩguo matikanacoke kũririkanwo rĩngĩ gũkũ thĩ.+
צ [Tsade]
17 Andũ arĩa athingu maakaire, nake Jehova akĩmaigua;+Akĩmahonokia kuuma harĩ mĩtangĩko yao yothe.+
ק [Qoph]
18 Jehova akoragwo hakuhĩ na arĩa mathuthĩkĩte ngoro;+Nĩ ahonokagia arĩa mahehenjekete roho.*+
ר [Resh]
19 Mũndũ ũrĩa mũthingu acemanagia na moritũ* maingĩ,+No Jehova nĩ amũhonokagia kuuma harĩ moritũ macio mothe.+
ש [Shin]
20 Nĩ agitagĩra mahĩndĩ make mothe;Gũtirĩ o na rĩmwe riunĩtwo.+
ת [Taw]
21 Andũ arĩa aganu makooragwo nĩ mwanangĩko;Arĩa mathũire andũ arĩa athingu nĩ magaatuĩrũo atĩ nĩ mahĩtĩtie.
22 Jehova nĩ akũũraga muoyo wa ndungata ciake;Gũtirĩ o na ũmwe wa arĩa moragĩra harĩ we ũgaatuĩrũo atĩ nĩ ahĩtĩtie.+
Tũũhoro twa magũrũ-inĩ
^ Kana “mĩrũthi mĩthĩ ya njamba.”
^ Kana “arĩa makuĩte ngoro.”
^ Kana “mathĩna.”
