Ũhoro wa Kwambĩrĩria wa Gĩcigo gĩa 2
Nĩ kĩĩ gĩatũmire Jehova arehe mũiyũro ũrĩa waninire andũ arĩa maatũũraga tene? Kuuma o kĩambĩrĩria nĩ kwagĩire ngucanio gatagatĩ ga gwĩka wega na gwĩka ũũru. Andũ amwe ta Adamu, Hawa, na mũriũ wao Kaini, nĩ maathurire gwĩka ũũru. Nao andũ anini ta Habili na Nuhu, magĩthuura gwĩka wega. Andũ aingĩ maatuĩkire aganu mũno nginya Jehova akĩrehe mũiyũro na akĩmaniina. Gĩcigo gĩkĩ nĩ gĩgũteithia mũrutwo amenye atĩ Jehova nĩ onaga mwena ũrĩa tũthuuraga, na ndarĩ hingo agetĩkĩria wega ũtoorio nĩ waganu.
GĨCHUNJĨ-INĨ GĨKĨ
Adamu na Hawa nĩ Maaremeire Ngai
Nĩ ũndũ ũrĩkũ waarĩ wa mwanya harĩ mũtĩ ũmwe mũgũnda-inĩ wa Edeni? Nĩ kĩĩ gĩatũmire Hawa arĩe itunda rĩa mũtĩ ũcio?
Marakara nĩ Moru
Ngai eetĩkĩrire igongona rĩa Habili, akĩrega rĩa Kaini. Rĩrĩa Kaini aamenyire ũguo, aarakarire nginya agĩka ũndũ mũru mũno.
Thabina ya Nuhu
Rĩrĩa araika maahikirie atumia gũkũ thĩ, maaciarire ciana ciarĩ marimũ. Kwaiyũrĩte mbaara na mũhinyanĩrĩrio. No Nuhu aarĩ ngũrani tondũ nĩ eendete Ngai na nĩ aamwathĩkagĩra.
No Andũ Anana Maahonokire Mũiyũro
Mbura yoirire thikũ 40 ũtukũ na mũthenya. Nuhu na famĩlĩ yake maaikarire thĩinĩ wa thabina makĩria ma mwaka ũmwe. Thutha ũcio nĩ maacokire makiuma.
