Ũhoro wa Kwambĩrĩria wa Gĩcigo gĩa 9
Gĩcigo gĩkĩ kĩratũruta igũrũ rĩgiĩ andũ ethĩ, anabii, na athamaki arĩa monanirie wĩtĩkio mũrũmu harĩ Jehova. Kairĩtu kamwe kamũisiraeli bũrũri-inĩ wa Suriata, nĩ kaarĩ na wĩtĩkio atĩ mũnabii wa Jehova nĩ angĩahonirie Naamani. Mũnabii Elisha nĩ aarĩ na ũũma biũ atĩ Jehova nĩ angĩamũgitĩire kuumana na mbũtũ ya thigari cia thũ ciake. Mũthĩnjĩri-Ngai-Mũnene Jehoiada nĩ aingĩririe muoyo wake ũgwati-inĩ akĩgitĩra Joashu nĩguo ndakoragwo nĩ cũwe Athalia. Mũthamaki Hezekia aarĩ na ma atĩ Jehova nĩ angĩahonokirie Jerusalemu, na nĩ ũndũ ũcio ndeneanire kũrĩ Aashuri. Mũthamaki Josia nĩ aaninire ũhoi wa mĩhianano, agĩcokereria hekarũ, na agĩtongoria rũrĩrĩ ruothe gũcokerera ũthathaiya wa ma.
GĨCHUNJĨ-INĨ GĨKĨ
Mũnene wa Thigari na Kairĩtu Kanini
Kairĩtu kamũisiraeli gakĩĩra mũnene wako ũhoro wa hinya wa Jehova—na ũndũ ũcio ũgatũma kĩama kĩringwo.
Mbarathi na Ngari cia Mwaki cia Jehova
Ũrĩa ndungata ya Elisha yamenyire atĩ ‘arĩa maarĩ mwena wao marĩ aingĩ kũmakĩra.’
Ũcamba wa Jehoiada
Mũthĩnjĩri-Ngai mwĩhokeku kũregana na mũtumia mwaganu wa mũthamaki
Jehova Gũkirĩrĩria Jona
Nĩ na njĩra ĩrĩkũ mũnabii ũmwe wa Ngai aatuĩkire wa kũmerio nĩ thamaki nene? Oimire atĩa nda ya thamaki ĩyo? Na Jehova aamũrutire ũndũ ũrĩkũ?
Hezekia Kũgitĩrũo nĩ Mũraika
Thũ cia Juda cioigire atĩ Jehova ndekũgitĩra andũ ake no nĩ ciahĩtĩtie!
Josia Kwenda Watho wa Ngai
Josia aatuĩkire Mũthamaki wa Juda arĩ na mĩaka ĩnana na nĩ aateithirie andũ ake kũhoya Jehova.
