KUUMA KŨNDŨ NA KŨNDŨ
Maũndũ Megiĩ Ndini
Ndini ĩbatiĩ gũkorũo ĩgĩtheremia ũrũmwe. No handũ ha ũguo, kaingĩ ĩkoretwo ĩrĩ kĩhumo kĩa mbaara na kwaga wĩhokeku.
THĨINĨ WA THĨ
Makĩria ma gĩcunjĩ kĩa 75 harĩ 100 kĩa andũ thĩinĩ wa thĩ, maikaraga mabũrũri marĩa magirĩtie maũndũ ma ndini, nĩ ũndũ wa mawatho ma thirikari kana rũmena kuuma kũrĩ andũ. Mũigana wa mabũrũri marĩa andũ manyariragwo tondũ moimĩte ndini nyinyi, nĩ wongererekete mũno thĩinĩ wa mĩaka ĩtano mĩhĩtũku.
ŨNDŨ WA GWĨCIRIA: Nĩ itũmi irĩkũ itiganĩte itũmaga andũ makorũo na ũũru mũingĩ kwerekera ndini?—Mathayo 23:27, 28; Johana 15:19.
NGERETHA
Tony Blair, ũrĩa warĩ Mũtongoria thirikari-inĩ ya Ngeretha, aandĩkire thĩinĩ wa ngathĩti ĩtagwo Observer atĩ, “kũhũthĩra ndini ũru,” nĩkuo kũrehete ciĩko iria ikoretwo kuo ica ikuhĩ cia wĩki-naĩ. Agĩcoka akĩongerera atĩ, “Mbaara cia karine ĩno ti ũhũthũ ikorũo ciumanĩte na mĩrũgamo mĩrũmu ya gĩũteti ta iria cia karine ya 20, ĩndĩ nĩ ũhũthũ ciumane na ũndũire kana wĩtĩkio ũtiganĩte.”
ŨNDŨ WA GWĨCIRIA: Nĩ kĩĩ ndini kaingĩ nĩyo kĩhumo kĩa ngayũkano? —Mariko 7:6-8.
AUSTRALIA
Riboti ya kĩama kĩa Australian Bureau of Statistics yonanirie atĩ mũndũ 1 harĩ 5 kuuma Australia oigaga atĩ we ti wa ndini o yothe. Riboti ĩyo yugĩte atĩ, “gũkorũo mũndũ e wa ndini ti ũndũ ũmwe na mũndũ gũkorũo agĩka maũndũ ma ndini.” Athuri 15 harĩ 100, na atumia 22 harĩ 100 arĩa moigaga nĩ a ndini, no o tu metĩkagĩra atĩ nĩ manyitanagĩra biũ na ndini kana ikundi cia kĩĩroho.
ŨNDŨ WA GWĨCIRIA: Nĩ ngumo irĩkũ njũru cionekaga harĩ ndini iria irĩ kuo nene ũmũthĩ?—Mathayo 7:15-20.
Icunjĩ Ingĩ Hihi Ũngĩenda Gũthoma
MŨRANGĨRI
Hihi nĩ Kũrĩ Ndini Tũngĩhoka?
Hihi wanaga gũkenio nĩ ndini? Angĩkorũo nĩguo, no wone arĩ hinya mũno kwĩhoka ndini o yothe. Hihi kwĩruta Bibilia kũngĩgũteithia atĩa?
CIŨRIA IRIA CIŨRAGIO KAINGĨ
Aira a Jehova Magaga Kwĩingĩria Maũndũ-inĩ ma Gĩũteti Nĩkĩ?
Hihi o nĩ ũgwati harĩ thayũ wa bũrũri?
